Հասարակություն
24.02.2026 | 11:49
ՊԵԿ-ից հայտնում են, որ ՊԵԿ աշխատակիցները Թբիլիսի-Երևան մարդատար գնացքի վագոնից հայտնաբերել են մաքսային հսկողությունից թաքցված 45.5 կգ քաշով տարբեր տեսակի դեղամիջոցներ։
ՊԵԿ-ի հաղորդագրությունը՝ ստորև․
«Օրերս Այրում մաքսային անցման կետ ժամանած Թբիլիսի-Երևան մարդատար գնացքի մաքսային հսկողության ժամանակ Պետական սահմանի ցամաքային անցման կետերում մաքսային սպասարկման և հսկողության վարչության թիվ 13 բաժնի աշխատակիցները մաքսային հսկողության ընթացքում պարզել են, որ գնացքում առկա է մաքսային հսկղությունից թաքցված դեղորայք: Ուղևորներից Ա.Տ.-ի մահճակալի տակի թաքստոցից հայտնաբերվել է մաքսային հսկողությունից թաքցված 3 մեծ պայուսակ, որոնց մեջ եղել են 45.5 կգ քաշով տարբեր տեսակի դեղամիջոցներ։
Փաստի առթիվ կազմվել է մաքսային կանոնների խախտման մասին արձանագրություն: Նյութերն ուղարկվել են ՊԵԿ իրավաբանական վարչություն»:
Մանրամասները՝ տեսանյութում։