Ֆուտբոլի ֆրանսիական լեգենդ Զինեդին Զիդանը կլինի Ֆրանսիայի ազգային հավաքականի հաջորդ գլխավոր մարզիչը:
Տեղեկությունների համաձայն՝ ֆրանսիացի աստղի և Ֆրանսիայի ֆուտբոլի ֆեդերացիայի միջև արդեն իսկ կա բանավոր համաձայնություն, որ «Զիզուն» կստանձնի «Կապույտների» ղեկը՝ այդպիսով վերջ դնելով ազգային հավաքականում նրա ապագայի վերաբերյալ տարիների ընթացքում շրջանառվող ենթադրություններին:
«Զիդանը, ինչպես սպասվում է, կստանձնի Ֆրանսիայի ազգային հավաքականի ղեկավարությունը 2026 թվականի Աշխարհի առաջնությունից անմիջապես հետո»,- հայտնել է իտալացի լրագրող Ֆաբրիցիո Ռոմանոն:
Զիդանը կստանձնի 2026 թվականի Աշխարհի առաջնությունից անմիջապես հետո, որը կանցկացվի Միացյալ Նահանգներում, Մեքսիկայում և Կանադայում: «Ռեալ Մադրիդի» նախկին մարզիչը կփոխարինի Դիդիե Դեշամին։