Պրոֆեսիոնալ բռնցքամարտի սուպերծանր քաշային կարգում աշխարհի նախկին չեմպիոն Թայսոն Ֆյուրին առաջին անգամ հանդիպել է իր առաջիկա մրցակցին՝ ռուսաստանցի Արսլանբեկ Մախմուդովին։
Կայացել է ասուլիս, որից հետո անցկացվել է նաև հայացքների մենամարտ։ Բռնցքամարտիկները ջերմ վերաբերմունք են ցուցաբերել միմյանց նկատմամբ։
Թայսոն Ֆյուրիի ու Արսլանբեկ Մախմուդովի մենամարտը կկայանա ապրիլի 11-ին Լոնդոնի «Տոտենհեմ» ստադիոնում, որը հյուրընկալում է 62,850 հանդիսական։
37-ամյա Ֆյուրին 37 մենամարտում ունի 34 հաղթանակ։ Բրիտանացի բռնցքամարտիկը նախորդ անգամ ռինգ է դուրս եկել 2024թ․ դեկտեմբերին՝ ռևանշ մենամարտում պարտվելով ուկրաինացի Ալեքսանդր Ուսիկին։ Դրանից հետո նա երրորդ անգամ հայտարարել էր կարիերան ավարտելու մասին։
Արսլանբեկ Մախմուդովը պրոֆեսիոնալ ռինգում անցկացրել է 23 մենամարտ ու տարել 21 հաղթանակ։