Միացյալ Թագավորությունը 27%-ով կրճատելու է արտասահմանյան մարդասիրական օգնությունը՝ պաշտպանական ծախսերը մեծացնելու համար, գրել է «Financial Times» թերթը։
Ըստ թերթի՝ սա ավելի արմատական կրճատում է, քան Դոնալդ Թրամփի վարչակազմի ԱՄՆ ծրագիրը, որը նախատեսել է 23% կրճատում։
Որոշումը ներքին բանավեճեր է առաջացրել Լեյբորիստական կուսակցության ներսում։ Զարգացման նախարար Անելիզ Դոդսը հրաժարական է տվել՝ պնդելով, որ դա կզրկի սննդի և դեղորայքի կարիք ունեցող մարդկանց և կվնասի երկրի հեղինակությանը։
BBC-ն ավելի վաղ հայտնել էր, որ Մեծ Բրիտանիայի կառավարությունը քննարկում է մինչև 2029 թվականը պաշտպանական ծախսերը ՀՆԱ-ի 3%-ին հասցնելու հարցը։