Արագածոտնում պարեկներն ու 2 երիտասարդ փրկել են այրվող ավտոմեքենայի վարորդին ու 6 ուղևորի

Բաժանորդագրվել

Ականատեսների խոսքով՝ վարորդը հասցրել է մեքենան դուրս բերել երթևեկելի գոտուց, իսկ պարեկներն ու երիտասարդները շտապ մոտեցել են այրվող ավտոմեքենային։

ԵՐԵՎԱՆ, 22 նոյեմբերի – Sputnik. Արագածոտնի մարզում պարեկային ծառայության 2 աշխատակից և 2 երիտասարդ այրվող ավտոմեքենայից դուրս են բերել ՌԴ քաղաքացի վարորդին և ընտանիքի 6 անդամների։ Այս մասին հայտնում է shamshyan.com-ը։

Դեպքը տեղի է ունեցել այսօր՝ ժամը 12։00-ի սահմաններում, Երևան–Գյումրի ավտոճանապարհի 82-րդ կմ հատվածում՝ Թալինի վարչական տարածքում։ Դեպի Բավրա ընթացող «Nissan» մակնիշի ավտոմեքենայում հրդեհ է բռնկվել։

Ականատեսների խոսքով՝ վարորդը հասցրել է մեքենան դուրս բերել երթևեկելի գոտուց, իսկ պարեկներն ու երիտասարդները շտապ մոտեցել են այրվող ավտոմեքենային և դուրս բերել այնտեղ գտնվողներին։

Դեպքի վայր ժամանած հրշեջ-փրկարարները մարել են հրդեհը, սակայն ավտոմեքենան ամբողջությամբ այրվել է։

Դեպքի առնչությամբ ոստիկանության Թալինի բաժնում փաստաթղթեր են կազմվում։

Leave a comment