Պապոյան․ ՀՀ-ն պետք է զարգանա իր 29,743 քկմ տարածքում (PAN.am)

ՀՀ էկոնոմիկայի նախարար Գևորգ Պապոյանը հայտարարել է, որ Հայաստանը պետք է կենտրոնանա իր 29,743 քառակուսի կիլոմետր տարածքում զարգացման և խաղաղության ապահովման վրա։ Նա տեսանյութ է հրապարակել ֆեյսբուքյան իր էջում երիտասարդների հետ հանդիպումից:

«Մենք ասում ենք, որ չենք ուզում պատերազմ։ Հետևաբար, մեր պետության տարածքը 29,743 քառակուսի կիլոմետր է, որի վրա մեր ժողովուրդը պետք է զարգանա, ապրի և շատանա»,- գրել է նախարարը։

Նա հավելել է, որ Հայաստանի տարածքը 29,743 քառակուսի կիլոմետրից ավելի համարելը կնշանակի կոնֆլիկտ Թուրքիայի հետ:

«Մենք ոչ թե դավաճանում ենք, այլ ասում ենք՝ եկեք չդավաճանենք այս պետությանը»,- ասել է նա:

Leave a comment