ԱՄՆ–ն պատժամիջոցներ է սահմանել իտալական մաֆիայի և ավստրալացի բայքերների նկատմամբ

Բաժանորդագրվել

Սահմանափակումները նախատեսում են ներգրավված անձանց ակտիվների սառեցում։

ԵՐԵՎԱՆ, 20 նոյեմբերի – Sputnik. ԱՄՆ-ն պատժամիջոցներ է սահմանել ավստրալական «Կոմանչերո» բայքերական խմբավորման և իտալական «Նդրանգետա» մաֆիայի նկատմամբ։ Այս մասին հայտնել է ԱՄՆ ֆինանսների նախարարությունը։

«Արտասահմանյան ակտիվների վերահսկողության վարչությունը պատժամիջոցներ է սահմանել թմրանյութերի վաճառքով զբաղվող միջազգային 2 կազմակերպությունների՝ «Կոմանչերո» բայքերական խմբավորման (գլխամասը Ավստրալիայում է գտնվում) և Իտալիայում տեղակայված «Նդրանգետայի» նկատմամբ»,– ասված է հաղորդագրությունում։

ԱՄՆ ֆինանսների նախարարության տվյալներով՝ երկու խմբավորումներն էլ օգնում են թմրամիջոցների կարտելներին, որոնք ԱՄՆ-ում ահաբեկչական կազմակերպություններ են ճանաչվել։

Պատժամիջոցները տարածվել են նաև 14 անձանց և չորս կանադական ընկերությունների վրա։ ԱՄՆ ֆինանսների նախարարության տվյալներով՝ այդ ընկերությունները (երեք հուղարկավորության բյուրոներ և լիմուզինների վարձույթի ընկերություն) ղեկավարում է «Նդրանգետայի» կանադական ստորաբաժանումներից մեկի անդամը։

Սահմանափակող միջոցառումները նախատեսում են ներգրավված անձանց ակտիվների սառեցում ԱՄՆ-ում։

Leave a comment