Ամերիկյան AECOM-ը ներկայացրել է TRIP նախագծի ուսումնասիրության նախնական արդյունքները

Բաժանորդագրվել

Քննարկվել և պլանավորվել են TRIP–ի իրականացմանն առնչվող կազմակերպչական հարցեր։

ԵՐԵՎԱՆ, 19 նոյեմբերի – Sputnik. Ամերիկյան «AECOM» ընկերությունը ՀՀ փոխվարչապետ Մհեր Գրիգորյանին ներկայացրել է «Թրամփի ուղի» նախագծի տեխնիկատնտեսական ուսումնասիրության նախնական արդյունքները։ Այս մասին հայտնում է ՀՀ կառավարությունը։

Հանդիպմանը մասնակցել են նաև պետական կառավարման համակարգի մարմինների ներկայացուցիչներ։

Ըստ հաղորդագրության` քննարկվել են նախատեսվող երկաթուղային ենթակառուցվածքի, ինչպես նաև էներգետիկ, ճանապարհային և թվային կապուղիների գործառնական հնարավորությունների նախնական վերլուծությունները։

Անդրադարձ է կատարվել նաև տեխնիկատնտեսական ուսումնասիրության հետագա փուլերին։ Քննարկվել և պլանավորվել են դրանց իրականացմանն առնչվող կազմակերպչական հարցեր։

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»համաձայնագիրը։
Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
2026 թվականի հունվարի 14-ին հրապարակվեց «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։

Leave a comment