Սահմանադրական դատարանի դատավոր Հրայր Թովմասյանի լիազորությունները փետրվարի 13-ին դադարել են։ Փետրվարի 12-ին ուժի մեջ է մտել նրա վերաբերյալ մեղադրական դատավճիռը, իսկ «Սահմանադրական դատարանի մասին» սահմանադրական օրենքի համաձայն՝ սահմանադրական դատարանի դատավորի լիազորությունները դադարում են, եթե օրինական ուժի մեջ է մտել նրա նկատմամբ կայացված մեղադրական դատավճիռը, կամ քրեական հետապնդումը դադարեցվել է ոչ ռեաբիլիտացնող հիմքով:
Տվյալ դեպքում, փաստորեն, Թովմասյանի վերաբերյալ մեղադրական դատավճիռը մտել է օրինական ուժի մեջ։
Թովմասյանը, հիշեցնենք, մեղադրվում էր Արդարադատության նախարար եղած ժամանակ պաշտոնեական լիազորությունները չարաշահելու մեջ։ Մեղադրանքը չի ընդունել և բազմիցս հայտարարել է, որ իր նկատմամբ քրեական հետապնդումը հարուցվել է քաղաքական դրդապատճառներով։
Արաքս Մամուլյան