Թրամփն ու Կանադայի վարչապետը Շենժենում քննարկել են առևտրային համաձայնագիրը

ԱՄՆ նախագահ Դոնալդ Թրամփը և Կանադայի վարչապետ Մարկ Քարնին Շենժենում քննարկել են երկկողմ առևտրային համաձայնագրի շուրջ առաջընթացը:

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին  հայտնել է Կանադայի վարչապետի գրասենյակը։

«Վարչապետ Մարկ Քարնին այսօր հանդիպել է ԱՄՆ նախագահ Դոնալդ Թրամփի հետ Ասիա-խաղաղօվկիանոսյան տնտեսական համագործակցության գագաթնաժողովի շրջանակում։ Առաջնորդները քննարկել են փոխշահավետ առևտրային համաձայնագրի ընթացիկ աշխատանքները, որը հնարավորություն կտա աշխատատեղեր ստեղծել, մեծացնել հասանելիությունը և հարգել Կանադայի լեզուները, մշակույթը և ինքնիշխանությունը», – ասվում է գրասենյակի հայտարարության մեջ։

Ասիա-խաղաղօվկիանոսյան տնտեսական համագործակցության գագաթնաժողովը տեղի է ունենում Չինաստանի Շենժեն քաղաքում՝ նոյեմբերի 18-19-ը։ APEC-ը ներառում է Ասիա-խաղաղօվկիանոսյան տարածաշրջանի 21 երկիր, այդ թվում՝ Ռուսաստանը։

Leave a comment