Հայ-ռուսական խմբի օրակարգում է երկաթուղու կոնցեսիայի արդյունավետությունը. փոխնախարար․ «Ազատություն»
«Բանակցությունները անցան շատ ընկերական, բավականին նորմալ, երկու ոտքը հողի վրա, գործնական, կոնկրետ ուղղությունների, հատվածների մասին», – ասաց Իվանյանը:
«Ազատության» հարցին՝ ռուսական կողմը հիմնավորո՞ւմ է, որ իր կոնցեսիան արդյունավետ է, Իվանյանը պատասխանեց. «Դեռ չենք եկել այդ էտապին, որ կարողանանք պատասխանել այդ հարցին»:
«Ազատության» հարցին՝ ռուսական կողմը հիմնավորո՞ւմ է, որ իր կոնցեսիան արդյունավետ է, Իվանյանը պատասխանեց. «Դեռ չենք եկել այդ էտապին, որ կարողանանք պատասխանել այդ հարցին»:
Պաշտոնյան հայտնեց, որ հանդիպմանն անդրադարձել են նաև երկաթուղու 2 հատվածները վերականգնելու հարցին՝ միևնույն ժամանակ նշելով, որ սա առաջին հանդիպումն է և շատ տեխնիկական մանրամասների դեռ կանդրադառնան. «Բայց շատ նորմալ, տեղը-տեղին քննարկում էր»:
Մոսկվան դեռ հոկտեմբերի սկզբին էր հայտարարել, որ Ռուսաստանը Հայաստանից արձագանք է ակնկալում հայկական երկաթուղու երկու հատվածների՝ Երասխից մինչև Նախիջևանի սահման և Գյումրիից մինչև Թուրքիայի սահման, վերականգնման վերաբերյալ առաջարկին։
Փոխնախարարը հայտնեց, որ եռամսյա ձևաչափով քննարկումների արդյունքում ձեռք բերված եզրահանգումների հիման վրա կորոշվեն հետագա անելիքները:
Հայ- ռուսական աշխատանքային խումբը ստեղծվել է հոկտեմբերին՝ երեք ամիս ժամկետով, ռուսական կառավարման ներքո գտնվող հայկական երկաթուղու գործունեության հետ կապված հարցերը քննարկելու նպատակով։ Հայկական կողմից այն ղեկավարում է տարածքային կառավարման փոխնախարար Դավիթ Իվանյանը։ Ռուսական կողմից խմբում ընդգրկված են Ռուսաստանի տրանսպորտի նախարարի տեղակալ Ալեքսեյ Շիլոն և «Ռուսական երկաթուղիներ» ԲԲԸ գլխավոր տնօրենի տեղակալ Վյաչեսլավ Պավլովսկին։
Հայաստանի վարչապետի փոխանցմամբ՝ այս աշխատանքային խումբը պետք է առաջարկներ ներկայացնի՝ հայկական երկաթուղու մրցունակությունը բարձրացնելու շուրջ:
Մանրամասները՝ սկզբնաղբյուր կայքում։