Շաքի ներխուժած ադրբեջանցի զինծառայողի գործն ուղարկվել է դատարան

Բաժանորդագրվել

Քրեական վարույթը դատախազին էր ուղարկվել նոյեմբերի 13-ին:

ԵՐԵՎԱՆ, 16 նոյեմբերի – Sputnik. Սյունիքի մարզի Սիսիան համայնքի Շաքի բնակավայր ներթափանցած ադրբեջանցի զինծառայող Նասիմ Մուսաևի գործն ուղարկվել է դատարան։ Տեղեկությունը Sputnik Արմենիային հայտնեցին դատախազությունից։
Նոյեմբերի 13–ին տեղեկացրել էինք, որ ադրբեջանցի զինծառայողի գործով նախաքննությունն ավարտվել է, և քրեական վարույթը մեղադրական եզրակացությամբ ուղարկվել է դատախազին:
Հիշեցնենք` հոկտեմբերի 1-ին հայտնի դարձավ, որ Սյունիքի մարզի Սիսիան համայնքի Շաքի բնակավայր ադրբեջանցի զինծառայող է ներթափանցել, գիշերել տներից մեկում, ապա կրակել տուն մտած 39-ամյա Անի Ավետիսյանի ուղղությամբ։ Վիրավոր կինը հասցրել է դանակով հարվածել ադրբեջանցուն՝ Նասիմի Մուսաևին։ Անի Ավետիսյանն այժմ Երևանի «Սուրբ Գրիգոր Լուսավորիչ» ԲԿ–ում է։ Բուժօգնության են դիմել նաև վնասվածք ստացած կնոջ 2 երեխաները։ Մուսաևի նկատմամբ քրեական հետապնդում է հարուցվել 5 հոդվածի հատկանիշներով, և երկամսյա կալանք է կիրառվել։

Leave a comment