https://arm.sputniknews.ru/20261116/vorvonq-en-khcanumneri-pattsharnern-yst-erevani-qaghaqapeti-109377976.html
Որո՞նք են խցանումների պատճառներն ըստ Երևանի քաղաքապետի
Որո՞նք են խցանումների պատճառներն ըստ Երևանի քաղաքապետի
Sputnik Արմենիա
Տիգրան Ավինյանը նշում է, որ Երևանի մետրոպոլիտենում 10 տարում ուղևորափոխադրումների քանակը կրկնապատկվել է: 16.11.2026, Sputnik Արմենիա
2026-11-16T11:03+0400
2026-11-16T11:03+0400
2026-11-16T11:03+0400
խցանում
https://cdn.am.imgsputniknews.ru/img/07ea/02/09/98584423_0:0:1200:676_1920x0_80_0_0_4d289f5ec266d86b30335aa06212ba38.jpg.webp
ԵՐԵՎԱՆ, 16 նոյեմբերի – Sputnik. Երևանի քաղաքապետ Տիգրան Ավինյանի կարծիքով` մայրաքաղաքում խցանումների պատճառը ամեն օր ավելացող մեքենաներն են, ոչ թե նոր շինթույլտվությունները: Այս մասին նա հայտարարեց Երևանի քաղաքապետարանի գործակարգավարական խորհրդակցության ժամանակ։«Խցանումների հարցում բազմաբնակարան շենքերն ու նոր շինթույլտվությունները կապ չունեն ու ավտոմատ կերպով չեն ազդում երթևեկության վրա: Այսօր մենք ապրում ենք սահմանափակումներով, որովհետև այս քանակի մեքենաները բոլորիս սահմանափակել են։ Սահմանափակել են հանրային տրանսպորտը, իսկ այն չի աշխատում վատ, որովհետև ավտոբուսներն ու տրոլեյբուսները քիչ են, այլ հանրային տրանսպորտն ունենում է խնդիրներ էն ժամերին, երբ մարդատար մեքենաների քանակով մենք ահռելի ծածկույթ ենք ապահովում, ու պիկ ժամերին մեր հանրային տրանսպորտը չի կարողանում հասնել կանգառ»,- ասաց Ավինյանը։Նրա խոսքով՝ Երևանում մեքենաներն ավելացել են, որովհետև ՀՀ-ում տնտեսությունն աճում է, աշխատատեղերն ավելանում են, մարդիկ ավելի շատ գումար են վաստակում և գնում են մեքենա։ Դրան զուգահեռ մեքենա վարելու մշակույթը դարձել է փնթի, ու դա չպետք է հանդուրժել:Ըստ Ավինյանի՝ պետք է պոտենցիալ կարգավորումներից խոսել ու դրանք դնել հանրային քննարկման:Քաղաքապետն ընդգծեց՝ այդ կարգավորումները վերաբերելու են և՛ քաղաքը տարբեր գոտիների բաժանելուն, և՛ առանձնացված ավտոբուսային գծերին, և՛ տարատեսակ կարգավորումներին, որոնք Երևանի քաղաքապետարանի և ՆԳՆ տիրույթից դուրս են։Երևանի քաղաքապետը նաև մի շեշտադրում արեց՝ ընդգծելով, որ մետրոպոլիտենում 2016-ից ընդհանուր ուղևորափոխադրումների քանակը կրկնապատկվել է, հասել է մոտ 23 միլիոնի։«2016-ի 10 ամսում 12-13 մլն էր, այսօր այդ թիվը հասնում է շուրջ 23 մլն-ի: Երևանում հանրային տրանսպորտով ուղևորափոխադրումների քանակը նույնպես ավելացել է 60-70%-ով, օրական մոտ 530 հազար վալիդացիա ենք ունենում (մետրոն ներառյալ)»,- ասաց նա:
2026
Լուրեր
am_HY
https://cdn.am.imgsputniknews.ru/img/07ea/02/09/98584423_85:0:986:676_1920x0_80_0_0_c36546397780e7335f938a68815ba4a0.jpg.webp
խցանում
Տիգրան Ավինյանը նշում է, որ Երևանի մետրոպոլիտենում 10 տարում ուղևորափոխադրումների քանակը կրկնապատկվել է:
ԵՐԵՎԱՆ, 16 նոյեմբերի – Sputnik. Երևանի քաղաքապետ Տիգրան Ավինյանի կարծիքով` մայրաքաղաքում խցանումների պատճառը ամեն օր ավելացող մեքենաներն են, ոչ թե նոր շինթույլտվությունները: Այս մասին նա հայտարարեց Երևանի քաղաքապետարանի գործակարգավարական խորհրդակցության ժամանակ։
Ի դեպ
ՀՀ վարչապետի կինը` Աննա Հակոբյանը, նոյեմբերի 10-ին տեսանյութ էր հրապարակել, որում առանց անուններ նշելու քննադատում ու հեգնում էր Երևանի խցանումների դեմ պայքարի համար պատասխանատու անձանց` միաժամանակ ակնարկելով, որ դա ավելի բարդ պարտականություն է, քան միլիոնավոր դոլարների ներդրում կատարող ընկերություններին շինթույլտվություններ տալը։
«Խցանումների հարցում բազմաբնակարան շենքերն ու նոր շինթույլտվությունները կապ չունեն ու ավտոմատ կերպով չեն ազդում երթևեկության վրա: Այսօր մենք ապրում ենք սահմանափակումներով, որովհետև այս քանակի մեքենաները բոլորիս սահմանափակել են։ Սահմանափակել են հանրային տրանսպորտը, իսկ այն չի աշխատում վատ, որովհետև ավտոբուսներն ու տրոլեյբուսները քիչ են, այլ հանրային տրանսպորտն ունենում է խնդիրներ էն ժամերին, երբ մարդատար մեքենաների քանակով մենք ահռելի ծածկույթ ենք ապահովում, ու պիկ ժամերին մեր հանրային տրանսպորտը չի կարողանում հասնել կանգառ»,- ասաց Ավինյանը։
Նրա խոսքով՝ Երևանում մեքենաներն ավելացել են, որովհետև ՀՀ-ում տնտեսությունն աճում է, աշխատատեղերն ավելանում են, մարդիկ ավելի շատ գումար են վաստակում և գնում են մեքենա։ Դրան զուգահեռ մեքենա վարելու մշակույթը դարձել է փնթի, ու դա չպետք է հանդուրժել:
Ըստ Ավինյանի՝ պետք է պոտենցիալ կարգավորումներից խոսել ու դրանք դնել հանրային քննարկման:
Քաղաքապետն ընդգծեց՝ այդ կարգավորումները վերաբերելու են և՛ քաղաքը տարբեր գոտիների բաժանելուն, և՛ առանձնացված ավտոբուսային գծերին, և՛ տարատեսակ կարգավորումներին, որոնք Երևանի քաղաքապետարանի և ՆԳՆ տիրույթից դուրս են։
Երևանի քաղաքապետը նաև մի շեշտադրում արեց՝ ընդգծելով, որ մետրոպոլիտենում 2016-ից ընդհանուր ուղևորափոխադրումների քանակը կրկնապատկվել է, հասել է մոտ 23 միլիոնի։
«2016-ի 10 ամսում 12-13 մլն էր, այսօր այդ թիվը հասնում է շուրջ 23 մլն-ի: Երևանում հանրային տրանսպորտով ուղևորափոխադրումների քանակը նույնպես ավելացել է 60-70%-ով, օրական մոտ 530 հազար վալիդացիա ենք ունենում (մետրոն ներառյալ)»,- ասաց նա: