Հնդկաստանում բեռնատարի և միկրոավտոբուսի վթարի հետևանքով ավելի քան 20 մարդ զոհվել է

Բաժանորդագրվել

Միկրոավտոբուսի ուղևորներից շատերը դասից տուն վերադարձող քոլեջի ուսանողներ էին։

ԵՐԵՎԱՆ, 13 նոյեմբերի – Sputnik. Հնդկաստանի հյուսիս-արևելքում գտնվող Ասամ նահանգի Կազիրանգա ազգային պարկի մոտ բեռնատարի և միկրոավտոբուսի բախման հետևանքով առնվազն 23 մարդ զոհվել է, 20-ը՝ վիրավորվել։ Այս մասին հայտնում է India Today պարբերականը։

Պարբերականն ընդգծում է, որ միկրոավտոբուսի ուղևորներից շատերը դասից տուն վերադարձող քոլեջի ուսանողներ էին։

Նշվում է, որ միկրոավտոբուսում եղած ուղևորների ճշգրիտ թիվը հայտնի չէ։ Որոնողափրկարարական գործողությունները շարունակվում են։

Նախնական տվյալներով`բախումից առաջ միկրոավտոբուսը մեծ արագությամբ է ընթացել։ Թերթի տեղեկություններով` տրանսպորտային տվյալ միջոցի վարորդը նախկինում մոտ 12 տուգանք է ստացել։

Leave a comment