Հարված է հասցվել Բահրեյնում ամերիկյան ռադիոլոկացիոն կայանին. ԻՀՊԿ

Բաժանորդագրվել

ԻՀՊԿ-ում հարվածը անվանել են հակառակորդի համար նախազգուշական՝ պահանջելով դադարեցնել օդային սադրանքներն ու Հորմուզի նեղուցով նավթի մաքսանենգ փոխադրումը:

ԵՐԵՎԱՆ, 13 նոյեմբերի – Sputnik. Իրանի Իսլամական հեղափոխության պահապանների կորպուսը (ԻՀՊԿ) հայտնել է, որ հարված է հասցվել Բահրեյնում ամերիկյան վաղ նախազգուշացման ռադիոլոկացիոն կայանի ուղղությամբ։ Այս մասին հաղորդում է «Tasnim» գործակալությունը:

ԻՀՊԿ-ի հայտարարության համաձայն՝ հարձակումը պատասխան էր Հորմուզի նեղուցի ափին գտնվող Հորմոզգան նահանգի Սիրիկ քաղաքի հեռահաղորդակցության աշտարակին հասցված հարվածին:

ԻՀՊԿ-ում հարվածն անվանել են հակառակորդի համար նախազգուշական՝ պահանջելով դադարեցնել օդային սադրանքներն ու Հորմուզի նեղուցով նավթի մաքսանենգ փոխադրումը: Հայտարարության մեջ ասվում է, որ նոր խախտումների և ագրեսիայի դեպքում ԻՀՊԿ օդատիեզերական ուժերը պատրաստ են գործել առանց սահմանափակումների:

Ավելի վաղ հաղորդվել էր, որ Սիրիկ քաղաքը ենթարկվել է հարվածների, ինչն իրանական կողմը թշնամական էր որակել:

Leave a comment