«Ուժեղ Հայաստանում» թեժ քննարկումներ են ընթանում ԱԺ աշխատանքի հետ կապված. ԶԼՄ

Բաժանորդագրվել

Խմբակցությունում այս պահին 2 կարծիք կա:

ԵՐԵՎԱՆ, 13 նոյեմբերի – Sputnik. «Ուժեղ Հայաստան» խմբակցությունում ներքին թեժ քննարկումներ են ընթանում՝ կապված Ազգային ժողովում հետագա գործունեության հետ։ Այս մասին հայտնում է «Ժողովուրդ» օրաթերթը:

«Սամվել Կարապետյանի («Ուժեղ Հայաստան» կուսակցության առաջնորդ-խմբ.) կալանավորումից հետո խմբակցությունում տարաձայնություններ են առաջացել՝ արդյոք ստեղծված իրավիճակում ճիշտ է շարունակել խորհրդարանական աշխատանքը, թե՞ պետք է բոյկոտել ԱԺ նիստերն ու հրաժարվել դրանց մասնակցությունից։ Խմբակցության մի հատվածը պնդում է, որ ստեղծված իրավիճակում պետք է ընդհանրապես չմասնակցել խորհրդարանի աշխատանքներին՝ այդ կերպ արտահայտելով իրենց քաղաքական դիրքորոշումը»,- գրում է թերթը:

Խմբակցության մյուս մասն էլ կարծում է, որ ԱԺ աշխատանքների բոյկոտը նվեր կլինի իշխանություններին, քանի որ ընդդիմությունը կզրկվի խորհրդարանում իշխանության քայլերը քննադատելու, նախագծերին հակադրվելու և քաղաքական օրակարգ ձևավորելու հնարավորությունից։

Ըստ կայքի տեղեկությունների՝ «Ուժեղ Հայաստանում» այս հարցի շուրջ քննարկումները շարունակվում են, և վերջնական որոշումը պետք է կայացվի նոյեմբերի 17-ին մեկնարկող հերթական նիստի ընթացքում։

Leave a comment