https://arm.sputniknews.ru/20261112/israjely-gazaji-hatvatsum-gtnvvogh-hivandanvoci-e-harvatsel-zvoher-ev-viravvorner-kan-109269358.html
Իսրայելը Գազայի հատվածում գտնվող հիվանդանոցի է հարվածել. զոհեր և վիրավորներ կան
Իսրայելը Գազայի հատվածում գտնվող հիվանդանոցի է հարվածել. զոհեր և վիրավորներ կան
Sputnik Արմենիա
Գազայի առողջապահության նախարարությունը դատապարտել է Իսրայելի հարվածը՝ այն որակելով որպես միջազգային նորմերի կոպիտ խախտում։ 12.11.2026, Sputnik Արմենիա
2026-11-12T13:38+0400
2026-11-12T13:38+0400
2026-11-12T13:38+0400
տեսանյութեր
տեսանյութ
https://cdn.am.imgsputniknews.ru/img/07ea/0b/0c/109266902_0:316:1001:879_1920x0_80_0_0_2cf78b7dad1470a0c929c530dc2e47d2.jpg.webp
Իսրայելցի զինվորականները հարվածել են Խան Յունիս քաղաքում գտնվող «Նասեր» բժշկական համալիրի վիրաբուժական մասնաճյուղին, զոհեր և վիրավորներ կան։Նախնական տվյալների համաձայն՝ առնվազն վեց մարդ է զոհվել, այդ թվում՝ բժշկական անձնակազմի անդամներ և բուժառուներ։ Եվս 20-ը վիրավորվել են։Al Jazeera-ի տվյալներով՝ հիվանդանոցի վիրաբուժական բաժանմունքը հարձակումից հետո դադարեցրել է աշխատանքը։ՑԱԽԱԼ–ի մամուլի ծառայությունն այսօր հայտնել է, որ զինվորականները հարվածել են «Նասեր» հիվանդանոցին՝ իբր «բժշկական համալիրի տարածքում գործող պաղեստինյան ՀԱՄԱՍ շարժման զինյալներին վերացնելու համար»։Միևնույն ժամանակ, Գազայի հատվածի առողջապահության նախարարությունը դատապարտել է հիվանդանոցին ՑԱԽԱԼ–ի հասցրած հարվածը։ Նախարարությունն ընդգծել է, որ բժշկական հաստատությանը հարվածելը լուրջ ոտնձգություն է առողջապահական համակարգի նկատմամբ և միջազգային նորմերի ու կոնվենցիաների կոպիտ խախտում է։Գերատեսչությունը կոչ է արել միջազգային հանրությանը, ՄԱԿ-ի կառույցներին և իրավապաշտպան կազմակերպություններին անհապաղ միջամտել, ապահովել հիվանդանոցների, բուժանձնակազմի և բուժառուների պաշտպանությունը։Ավելի վաղ ՄԱԿ-ի գլխավոր քարտուղար Անտոնիու Գուտերեշը հայտարարել էր, որ Գազայի հատվածում հրադադարի պայմանները չեն պահպանվում, պաղեստինցի երեխաներ են շարունակում զոհվել, մարդասիրական իրավիճակն էլ շարունակում է աղետալի մնալ։Հիշեցնենք, որ ԱՄՆ նախագահ Դոնալդ Թրամփի խաղաղության ծրագիրը, որը ՄԱԿ-ի Անվտանգության խորհրդի կողմից հաստատվել է 2025 թվականի նոյեմբերին, նախատեսում է հրադադար, Գազայի հատվածը կառավարելու համար տեխնոկրատական կառավարման ստեղծում, զինված խմբավորումների զինաթափում և միջազգային ուժերի տեղակայում։
2026
Լուրեր
am_HY
Израиль нанес удар по больнице в секторе Газа
Sputnik Արմենիա
Израиль нанес удар по больнице в секторе Газа
2026-11-12T13:38+0400
true
PT0M34S
https://cdn.am.imgsputniknews.ru/img/07ea/0b/0c/109266902_0:223:1001:973_1920x0_80_0_0_f7949b6db99de977b21e0be612a16b45.jpg.webp
տեսանյութեր, տեսանյութ, видео
տեսանյութեր, տեսանյութ, видео
Գազայի առողջապահության նախարարությունը դատապարտել է Իսրայելի հարվածը՝ այն որակելով որպես միջազգային նորմերի կոպիտ խախտում։
Իսրայելցի զինվորականները հարվածել են Խան Յունիս քաղաքում գտնվող «Նասեր» բժշկական համալիրի վիրաբուժական մասնաճյուղին, զոհեր և վիրավորներ կան։
Նախնական տվյալների համաձայն՝ առնվազն վեց մարդ է զոհվել, այդ թվում՝ բժշկական անձնակազմի անդամներ և բուժառուներ։ Եվս 20-ը վիրավորվել են։
Al Jazeera-ի տվյալներով՝ հիվանդանոցի վիրաբուժական բաժանմունքը հարձակումից հետո դադարեցրել է աշխատանքը։
ՑԱԽԱԼ–ի մամուլի ծառայությունն այսօր հայտնել է, որ զինվորականները հարվածել են «Նասեր» հիվանդանոցին՝ իբր «բժշկական համալիրի տարածքում գործող պաղեստինյան ՀԱՄԱՍ շարժման զինյալներին վերացնելու համար»։
Միևնույն ժամանակ, Գազայի հատվածի առողջապահության նախարարությունը դատապարտել է հիվանդանոցին ՑԱԽԱԼ–ի հասցրած հարվածը։ Նախարարությունն ընդգծել է, որ բժշկական հաստատությանը հարվածելը լուրջ ոտնձգություն է առողջապահական համակարգի նկատմամբ և միջազգային նորմերի ու կոնվենցիաների կոպիտ խախտում է։
Գերատեսչությունը կոչ է արել միջազգային հանրությանը, ՄԱԿ-ի կառույցներին և իրավապաշտպան կազմակերպություններին անհապաղ միջամտել, ապահովել հիվանդանոցների, բուժանձնակազմի և բուժառուների պաշտպանությունը։
Ավելի վաղ ՄԱԿ-ի գլխավոր քարտուղար Անտոնիու Գուտերեշը հայտարարել էր, որ Գազայի հատվածում հրադադարի պայմանները չեն պահպանվում, պաղեստինցի երեխաներ են շարունակում զոհվել, մարդասիրական իրավիճակն էլ շարունակում է աղետալի մնալ։
Հիշեցնենք, որ ԱՄՆ նախագահ Դոնալդ Թրամփի խաղաղության ծրագիրը, որը ՄԱԿ-ի Անվտանգության խորհրդի կողմից հաստատվել է 2025 թվականի նոյեմբերին, նախատեսում է հրադադար, Գազայի հատվածը կառավարելու համար տեխնոկրատական կառավարման ստեղծում, զինված խմբավորումների զինաթափում և միջազգային ուժերի տեղակայում։