ՀՀ կառավարությունը մանրամասներ է հայտնել Փաշինյան – Էրդողան հանդիպման մասին

Բաժանորդագրվել

Հանդիպման ընթացքում երկրների առաջնորդներն անդրադարձել են նաև Հայաստանի և Ադրբեջանի միջև խաղաղության գործընթացին։

ԵՐԵՎԱՆ, 11 նոյեմբերի – Sputnik․ ՀՀ վարչապետ Նիկոլ Փաշինյանն ու Թուրքիայի նախագահ Ռեջեփ Թայիփ Էրդողանն քննարկել են Հայաստան-Թուրքիա կարգավորման գործընթացը, այն առաջ մղելու և տրամաբանական ավարտին հասցնելու կարևորությունը։ ՀՀ կառավարությունը մանրամասներ է հայտնել Անթալիայում COP31-ի շրջանակում ընթացող Առաջնորդների գագաթնաժողովի շրջանակում տեղի է ունեցած հանդիպման մասին։

Ավելի վաղ հայտնել էինք, որ COP31-ի Առաջնորդների գագաթնաժողովի շրջանակում Անթալիայում կայացել է Փաշինյանի և Էրդողանի հանդիպումը։

«Կողմերը կարևորել են մինչ այժմ իրականացված միջոցառումները և ձեռք բերված պայմանավորվածությունները, ինչպես նաև առևտրատնտեսական հարաբերությունների հետագա խթանումը»,- նշված է հաղորդագրության մեջ։

Անդրադարձ է կատարվել նաև տարածաշրջանային գործընթացներին: Նիկոլ Փաշինյանը և Ռեջեփ Թայիփ Էրդողանն ընդգծել են Հայաստանի և Ադրբեջանի միջև խաղաղության հաստատման փաստը՝ նշելով, որ այն նոր ազդակ է հաղորդել տարածաշրջանային համագործակցության զարգացմանը։

Քննարկվել են նաև տարածաշրջանային հաղորդակցության ուղիների ապաշրջափակմանը, այդ թվում՝ TRIPP նախագծի իրականացմանը միտված քայլերը։

Leave a comment