Քոչարյանի գործով 6 դրվագից 2–ի մասով դատարանը հերքել է հիմնավոր կասկածը․ Օրբելյան

Քոչարյանի գործով 6 դրվագից 2–ի մասով դատարանը հերքել է հիմնավոր կասկածը․ Օրբելյան

Քոչարյանի գործով 6 դրվագից 2–ի մասով դատարանը հերքել է հիմնավոր կասկածը․ Օրբելյան

Sputnik Արմենիա

Օրբելյանի խոսքով՝ գործով ներգրավված 41 քննիչից մեկը կատարել է 11 քննչական գործողություն, որոնց թվում եղել են մեկ օրում իրականացված երկու վկայի… 11.11.2026, Sputnik Արմենիա

2026-11-11T12:40+0400

2026-11-11T12:40+0400

2026-11-11T12:43+0400

ռոբերտ քոչարյան

https://cdn.am.imgsputniknews.ru/img/07ea/0b/0b/109208961_0:0:1501:844_1920x0_80_0_0_ac82d26bf1120f8233e22dc94035035d.jpg.webp

ԵՐԵՎԱՆ, 11 նոյեմբերի – Sputnik. ՀՀ երկրորդ նախագահ Ռոբերտ Քոչարյանի գործով ներկայացված 6 դրվագից 2-ի մասով դատարանը չի հաստատել հիմնավոր կասկածի առկայությունը։ Այս մասին հայտարարեց Քոչարյանի փաստաբան Արամ Օրբելյանը՝ անդրադառնալով կալանքի երկարաձգման վերաբերյալ դատական նիստին։Փաստաբանը հայտնեց, որ Քոչարյանի գործով քննարկման առարկա են մնացել նաև «Փլեյսիթիի» և «Կապուտակ Սևանի» հետ կապված դրվագները։ Նրա խոսքով՝ պաշտպանության կողմը 11,5 ժամ տևած դատական քննարկման ընթացքում ներկայացրել է իր հակափաստարկները։Օրբելյանը քննադատեց նաև Քոչարյանի կալանքի ընթացքում իրականացված քննչական գործողությունների ծավալը։«Հարցնում ենք՝ երկու ամիս պահել եք կալանքի տակ Քոչարյանին, ի՞նչ եք արել։ Ասում են՝ ջանասիրաբար աշխատել ենք։ Գործով ներգրավված է եղել 41 քննիչ, նրանցից մեկն է 11 գործողություն կատարել, բայց որ ասում եմ 11, իմացեք, որ դրանց թվում եղել են նույն օրն իրականացված 2 վկայի հարցաքննություններ, ինչպես նաև ընդամենը 3 րոպե տևած գործողություններ։ Այսինքն՝ ակնհայտ երևում է, որ ջանասիրության մասին չէ խոսքը, այլ քաղաքական կալանքի»,– եզրափակեց Օրբելյանը։Հիշեցնենք` օգոստոսի 24-ին ՀՀ վարչապետ Նիկոլ Փաշինյանը իրավապահներին հրահանգեց ունեզրկել ՀՀ 2-րդ նախագահ Ռոբերտ Քոչարյանին և 3-րդ նախագահ Սերժ Սարգսյանին։ Հաջորդ օրը իրավապահները ներխուժեցինՌոբերտ Քոչարյանի և նրա որդու՝ ԱԺ «Հայաստան» խմբակցության պատգամավոր Լևոն Քոչարյանի տներ և սկսեցին խուզարկություններ իրականացնել։ Այնուհետև հայտնի դարձավ, որ Ռոբերտ Քոչարյանը և նրա ավագ որդին` Սեդրակ Քոչարյանը, ձերբակալվել են։ Ավելի ուշ ՀՀ երկրորդ նախագահը տեղափոխվեց բուժկենտրոն։Ռոբերտ Քոչարյանին պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու մեղադրանքներ են ներկայացվել։Օգոստոսի 25-ի լույս 26-ի գիշերը Սեդրակ Քոչարյանը 2 ամսով կալանավորվեց, օգոստոսի 27-ին դատարանը 2-ամսյա կալանքի որոշում կայացրեց նաև Ռոբերտ Քոչարյանի նկատմամբ։ Կալանքի միջնորդության քննությունը շարունակվեց առանց 2-րդ նախագահի, քանի որ նրան տեղափոխեցին «Սուրբ Գրիգոր Լուսավորիչ» բժշկական կենտրոն։ Օգոստոսի 27-ին նա տեղափոխվեց «Երևան-Կենտրոն» ՔԿՀ։