Տավուշի և Սյունիքի որոշ ճանապարհներ փակ են կցորդիչով բեռնատարների համար

Բաժանորդագրվել

Փրկարարները նախորդ օրը արգելափակումից 45 մեքենա են դուրս բերել:

ԵՐԵՎԱՆ, 10 նոյեմբերի — Sputnik. ՀՀ-ում մի շարք ճանապարհներ փակ են եղանակային վատ պայմանների պատճառով: Տեղեկությունը հայտնում է ՆԳՆ փրկարար ծառայությունը:

«Վանաձոր-Դիլիջան, «Զանգեր»-Սիսիան, Սիսիան-Կապան, Լծեն-Տաթև, Կապան-Մեղրի ավտոճանապարհները փակ են կցորդիչով բեռնատարների համար»,- ասված է հաղորդագրությունում:

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից էլ հայտնել են, որ Ստեփանծմինդա-Լարս ճանապարհը բաց է բոլոր տեսակի տրանսպորտային միջոցների համար։

Միևնույն ժամանակ ՓԾ-ից հայտնում են, որ փրկարարներն ՀՀ տարբեր մարզերից ստացված ահազանգերի արդյունքում երեկ արգելափակումից դուրս են բերել 45 տրանսպորտային միջոց և օգնություն ցուցաբերել 106 քաղաքացու:

Արգելափակման պատճառը եղել են ձյունը, մերկասառույցը, ինչպես նաև ցեխակույտը և դժվարանցանելի ճանապարհները:

Leave a comment