Մոդրիչի գոլը հաղթանակ է պարգևել «Միլանին»
Բաժանորդագրվեք Zarkerak.am-ի տելեգրամ ալիքին։
Իտալիայի առաջնության 25-րդ տուրի մեկնարկային խաղում «Միլանը» հյուրընկալվելիս 2-1 հաշվով պարտության է մատնել հետնապահ «Պիզային»։
Հյուրերի հաղթական գոլը 85-րդ րոպեին խփել է Լուկա Մոդրիչը։
Իդեպ, ավելացված ժամանակում երկու դեղին քարտ է ստացել և խաղադաշտը լքել «Միլանի» ֆուտբոլիստ Ադրիեն Ռաբյոն։ Ֆրանսիացի կիսապաշտպանը առաջին դեղին քարտը ստացել է խախտման, իսկ երկրորդը՝ մրցավարի հետ վիճելու համար։
Այս հաղթանակից հետո Մասիմիլիանո Ալեգրիի գլխավորած թիմը 53 միավորով ամրապնդվեց երկրորդ հորիզոնականում։ «Պիզան»՝ 15 միավորով, եզրափակում է մրցաշարային աղյուսակը։