Եվրոպայում վեց ուղևորատար ինքնաթիռներ ստիպված են եղել արտակարգ վայրէջք կատարել նոյեմբերի 5-ի առավոտյան ռումբի սպառնալիքների պատճառով։
Եվրոպական լրատվամիջոցները հայտնել են, որ երեք ինքնաթիռ վայրէջք է կատարել Բուլղարիայում, իսկ մեկը՝ Բրյուսելի օդանավակայանում։ Ռումբի սպառնալիք է ստացվել նաև Հելսինկիից Հռոմ թռչող Finnair չվերթի համար. ինքնաթիռը անվտանգ վայրէջք է կատարել Իտալիայի մայրաքաղաքում։ Դուբլինից Հռոմ թռչող Irish Air Lingus ինքնաթիռը շեղվել է ուղղությունից և վայրէջք կատարել Ֆրանսիայի ռազմական բազայում։
Երեքշաբթի օրը Եվրոպայում յոթ ուղևորատար ինքնաթիռներ ստացել են ռումբի սպառնալիքներ։ Սպառնալիքներից ոչ մեկը չի հաստատվել․ հայտնել է Reuters-ը։
Պրահա ուղևորվող չորս ինքնաթիռներ ստացել են ռումբի սպառնալիքներ։ Չեխիայի ոստիկանությունը պատրաստվում է դրանց ժամանմանը։
Իրավապահ մարմինները սպառնալիքները գնահատում են որպես ցածր հավաստի։ Այնուամենայնիվ, ոստիկանությունը դրանք չի անտեսի. վայրէջքից հետո բոլոր ինքնաթիռները կստուգվեն։
Գերատեսչությունը նշել է, որ արդեն ձեռնարկվել են անհրաժեշտ անվտանգության միջոցառումներ, և ջանքեր կգործադրվեն դրանց ազդեցությունը ուղևորների և օդանավակայանի գործունեության վրա նվազագույնի հասցնելու համար։