Ավելի վաղ հայտնի էր դարձել, որ Երևանի քաղաքապետ դառնալու հավակնություններ ունի ԱԽ քարտուղար Ալեն Սիմոնյանը։
ԵՐԵՎԱՆ, 5 նոյեմբերի – Sputnik․ ՔՊ-ից հեռացված նախկին պատգամավոր Հայկ Սարգսյանն ու նրա եղբայրը՝ վարչապետի նախկին օգնական Նաիրի Սարգսյանը, զբաղված են Երևանի ավագանու առաջիկա ընտրություններին նախապատրաստվելով։ Այս մասին գրում է «Հրապարակը»՝ վկայակոչելով իր աղբյուրները։
«Մինչ իրավապահները զբաղվում են ՔՊ-ական նախկին պատգամավոր Հայկ Սարգսյանով (շիշ բռնող), Սարգսյան եղբայրները, ըստ նրանց մոտ կանգնած աղբյուրի, ակտիվ նախապատրաստվում են Երևանի քաղաքապետի առաջիկա ընտրություններին։ Նրանք այժմ թիմ հավաքագրելու ճանապարհին են և խոստանում են, որ ոչ մի դեպքում «զադնի չեն դնելու»»,-գրում է թերթը։
Ըստ տեղեկությունների՝ քաղաքապետի թեկնածուն լինելու է Նաիրի Սարգսյանը, ով վերջին ժամանակներում զբաղված է մայրաքաղաքի խնդիրներն ակտիվ վեր հանելով և հասցրել է բավականին մեծ լսարան հավաքել։ Նա սոցցանցերի իր էջում պարբերաբար տեսանյութեր է հրապարակում՝ խոսելով առկա խնդիրների, դրանց լուծման տարբերակների մասին և այլն՝ ժամանակ առ ժամանակ շնորհակալություն հայտնելով նաև Երևանի քաղաքապետարանին տարբեր նախաձեռնությունների համար։
«Ժողովուրդի» տեղեկություններով՝ Սիմոնյանն ամենևին էլ չի պատրաստվում այս անգամ զիջել քաղաքապետի պաշտոնը. նախորդ պայքարում նա հրաժարվեց մինչև վերջ գնալ, սակայն Ավինյանն այս անգամ էլ չի պատրաստվում նահանջել։