19:07 14.02.2026 (Թարմացված է: 19:08 14.02.2026)
Բաժանորդագրվել
Ճանապարհը փետրվարի 13-ից փակվել էր վատ եղանակի պատճառով:
ԵՐԵՎԱՆ, 14 փետրվարի – Sputnik. Վերին Լարսի անցակետ տանող ճանապարհը բացվել է բեռնատարների համար։ Այս մասին հայտնում է Վրաստանի ավտոճանապարհների դեպարտամենտը։
Փետրվարի 13-ից ճանապարհը փակվել էր ձյան և մերկասառույցի պատճառով։
«Վերականգնվել է կցորդիչով և կիսակցորդիչով տրանսպորտային միջոցների երթևեկությունը Մցխեթա-Ստեփանծմինդա-Լարս միջազգային նշանակության ավտոճանապարհի Գուդաուրի-Կոբի հատվածում», – ասված է հաղորդագրության մեջ:
Հիշեցնենք` Ռազմավիրական ճանապարհը Հայաստանը Ռուսաստանի հետ կապող միակ գործող ցամաքային ուղին է։