Քաղաքականություն
03.11.2026 | 12:03
ԱԺ նախագահ Ռուբեն Ռուբինյանը նոյեմբերի 3-ին ընդունել է Հայաստանում Մեքսիկայի դեսպան Էդուարդո Վիլեգաս Մեխիասին։ Հանդիպման ընթացքում քննարկվել են հայ-մեքսիկական հարաբերությունների զարգացման, համագործակցության ընդլայնման և երկու երկրների խորհրդարանների միջև կապերի խորացման հնարավորությունները։
ԱԺ-ի հաղորդագրությունը՝ ստորև․
«ՀՀ Ազգային ժողովի նախագահ Ռուբեն Ռուբինյանը նոյեմբերի 3-ին ընդունել է Հայաստանի Հանրապետությունում Մեքսիկայի Միացյալ Նահանգների արտակարգ և լիազոր դեսպան Էդուարդո Վիլեգաս Մեխիասին։
Հանդիպման ընթացքում քննարկվել են Հայաստանի և Մեքսիկայի միջև երկկողմ հարաբերությունների զարգացմանն ու համագործակցության ընդլայնմանն առնչվող հարցեր։
Անդրադարձ է կատարվել նաև միջխորհրդարանական համագործակցության հետագա խորացման հնարավորություններին՝ ընդգծելով երկու երկրների խորհրդարանների միջև կապերի ակտիվացման և փորձի փոխանակման կարևորությունը։
Կողմերը մտքեր են փոխանակել փոխադարձ հետաքրքրություն ներկայացնող այլ հարցերի շուրջ»։