Ադրբեջանական Գոյթեփեի սահմանապահ ջոկատը կանխել է Իրանից Ադրբեջան ուղղությամբ պետական սահմանը խախտելու փորձը։
Ինչպես հայտնել են Ադրբեջանի Պետական սահմանապահ ծառայությունից, սահմանախախտները չեն ենթարկվել կանգնելու հրամանին, ինչի պատճառով սահմանապահները նախազգուշական կրակ են բացել օդ։ Սահմանախախտներից մեկը, սակայն, զինված դիմադրություն է ցույց տվել և կրակ բացել սահմանապահների ուղղությամբ։ Ենթադրյալ հարձակվողը վնասազերծվել է։
Ադրբեջանա-իրանական սահմանին միջադեպի մասին տեղեկացվել է իրանական կողմը։ Հարուցվել է քրեական գործ, և ներկայումս Պետական սահմանապահ ծառայության ու Զինվորական դատախազության կողմից իրականացվում է հետաքննություն։