Հայկազուն արքեպիսկոպոս Նաջարյանն այսօր մեկնաբանել է Նիկոլ Փաշինյանի երեկվա հայտարարությունը, թե Հայաստանից դուրս Եպիսկոպոսաց ժողով հրավիրելու նպատակը «կաթողիկոսությունը Հայաստանից դուրս հանելն է»։
«Սխալ ենթադրություն է»,- լրագրողների հետ զրույցում ասել է Սրբազան Հայրը։
Սրբազանը հնարավոր է համարում, որ հոգևորականներին բերման կենթարկեն՝ թույլ չտալու, որ եպիսկոպոսները դուրս գան Հայաստանից։
«Ամեն ինչ հնարավոր է, կարող են, իշխանությունն իրենց ձեռքն է»,- ընդգծել է Սրբազան Հայրը։