ՌԴ ԶՈւ-ն շարունակում է հարվածներ հասցնել նավահանգստային ենթակառուցվածքներին և նավերին, որոնք ծառայում են Ուկրաինայի ԶՈւ-ի շահերին։
ԵՐԵՎԱՆ, 30 հոկտեմբերի – Sputnik. Ռուսաստանի զինուժը Օդեսայից դեպի հարավ ընկած հատվածում Ուկրաինայի ԶՈւ-ի կարիքների համար ռազմական բեռներ տեղափոխող նավ է խոցել: Այս մասին հայտնում է Ռուսաստանի պաշտպանական գերատեսչությունը:
«Հարվածների արդյունքում ծովային անցման ժամանակ՝ Օդեսայից 30 կիլոմետր դեպի հարավ, խոցվել է ծովային նավ, որը ռազմական և երկակի նշանակության բեռներ էր տեղափոխում Ուկրաինայի ԶՈՒ-ի կարիքների համար»,- ասվում է հաղորդագրության մեջ:
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։