Պուտին․ «Ռուսաստանը պատրաստ է պատերազմի, բայց չի ցանկանում»
Ռուսաստանի նախագահ Վլադիմիր Պուտինի խոսքով՝ Եվրոպայում շատերը պատրաստվում են Ռուսաստանի հետ պատերազմի մինչև 2030 թվականը, սակայն Մոսկվան չի ցանկանում նման զարգացում։
«Ռուսաստանը պատրաստ է, բայց պատերազմ չի ցանկանում»,- հայտարարել է Պուտինը։
Նա նաև նշել է, որ Արևմուտքին չի հաջողվել հասնել իր նպատակին՝ Ռուսաստանին ռազմավարական պարտության մատնելուն։
Պուտինի խոսքով՝ Ռուսաստանի և Եվրոպայի միջև պատերազմի դեպքում հաղթողներ չեն լինի։
«Թող Եվրոպայում ոչ ոք այս մասին չմոռանա»,- ընդգծել է Ռուսաստանի նախագահը։