«Աղի լճի» մոտ փլուզում է եղել․ կան տուժածներ

«Աղի լճի» մոտ փլուզում է եղել․ կան տուժածներ

«Աղի լճի» մոտ փլուզում է եղել․ կան տուժածներ

Sputnik Արմենիա

Դեպքի վայրում բացի հրշեջ–փրկարարներից աշխատում են նաև կինոլոգիական խմբեր։ 29.10.2026, Sputnik Արմենիա

2026-10-29T14:11+0400

2026-10-29T14:11+0400

2026-10-29T14:14+0400

փլուզում

https://cdn.am.imgsputniknews.ru/img/07ea/0a/1d/108653740_0:56:1280:776_1920x0_80_0_0_b8aa5d2b806ee4c6afe822eb112a8443.jpg.webp

ԵՐԵՎԱՆ, 29 հոկտեմբերի — Sputnik. Երևանի Գաջեգործների փողոցում` «Աղի լճի» մոտակայքում, փլվածք է եղել, կան տուժածներ։ Տեղեկությունը հայտնում է ՀՀ ՆԳՆ փրկարար ծառայությունը։Նշվում է, որ դեպքի մասին ահազանգը ստացվել է հոկտեմբերի 29-ին՝ ժամը 12։45-ին։Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 2 մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական և կինոլոգիական խմբերը։Ավելի վաղ Երևանի քաղաքապետարանը հայտնել էր, որ «Աղջի լճի» տարածքը պետք է բարեկարգվի։ Ծրագրով պետք է բարեկարգվեն լճամերձ արահետները, լուսավորություն անցկացվի, ինչպես նաև ջրամատակարարում և կոյուղի։ Կառուցվելու է նաև մարզահրապարակ, ավտոկայանատեղի, սանհանգույցներ, ցնցուղարաններ ու հանդերձարաններ, կստեղծվեն շեզլոնգներով և ստվերային ծածկերով հանգստի գոտիներ։Մինչ բարեկարգման աշխատանքների մեկնարկը այնտեղի այցելուներն ահազանգում էին, որ «Աղի լճի» տարածքում «տենդեր շահած» ընկերությունը քանդում է հարակից եղեգնուտը, որը բնական ֆիլտր է լճի համար։Քաղաքացիները մտավախություն ունեին, որ եղեգնուտի փոխարեն սալիկապատ տարածք է լինելու։ Երևանի քաղաքապետարանից վստահեցրել էին, որ եղեգները չեն կտրվի։