Ազգային ժողովում տեղի ունեցած աղմկահարույց միջադեպն ու ծեծկռտուքը նիստերի դահլիճով չեն ավարտվել։ Դահլիճում բախումից հետո «Քաղաքացիական պայմանագիր» և «Ուժեղ Հայաստան» խմբակցությունների պատգամավորների միջև թեժ լեզվակռիվն ու փոխադարձ վիրավորանքները շարունակվել են խորհրդարանի միջանցքներում։
Իրավիճակն այնքան է լարվել, որ կողմերին հանգստացնելու և հետագա քաշքշոցը կանխելու համար ստիպված են եղել միջամտել Ազգային ժողովի աշխատակիցները։ Խորհրդարանում մթնոլորտը շարունակում է մնալ ծայրահաստիճան լարված։