shantnews. Պեկինը և Վաշինգտոնը պետք է հետևեն հավասարության, հարգանքի և փոխադարձ շահի սկզբունքներին, հայտարարել է Չինաստանի արտաքին գործերի նախարար Վան Ին Մյունխենի անվտանգության համաժողովի շրջանակներում ԱՄՆ պետքարտուղար Մարկո Ռուբիոյի հետ հանդիպման ժամանակ։
«Քանի դեռ մենք հավատարիմ ենք մնում հավասարության, հարգանքի և փոխադարձ շահի սկզբունքներին, երկու կողմերն էլ կկարողանան գտնել միմյանց մտահոգությունները և տարաձայնությունները պատշաճ կերպով լուծելու ուղիներ», – Վան Իի խոսքերն է մեջբերել Չինաստանի արտաքին գործերի նախարարության պաշտոնական կայքը։
Խոսելով Չինաստանի և Միացյալ Նահանգների միջև հարաբերությունների մասին՝ դիվանագետը շեշտել է, որ երկխոսությունն ավելի լավ է, քան առճակատումը, համագործակցությունն ավելի լավ է, քան հակամարտությունը, իսկ փոխշահավետ համագործակցությունը՝ ավելի լավ, քան զրոյական գումարով խաղը։