Էրդողանն ու Թրամփը քննարկել են երկկողմ հարաբերություններն ու միջազգային զարգացումները
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ։ Առաջնորդները քննարկել են երկկողմ հարաբերությունները, ինչպես նաև տարածաշրջանային և միջազգային զարգացումները։
Էրդողանի խոսքով՝ Անկարան և Վաշինգտոնը կշարունակեն աշխատանքը թուրք-ամերիկյան հարաբերությունների զարգացման և բոլոր ոլորտներում համագործակցության ակտիվացման ուղղությամբ։ Հաջորդ տարի երկու երկրների միջև դիվանագիտական հարաբերությունների հաստատման 100-ամյակն է։
Թուրքիայի նախագահը նշել է, որ համատեղ պաշտպանության Մեքքայի համաձայնագրի մասնակից երկրները ուշադիր հետևում են Հորմուզի նեղուցում և Եմենում իրավիճակի զարգացմանը և ջանքեր գործադրում խնդիրները դիվանագիտական ճանապարհով կարգավորելու համար։
Էրդողանը նաև հայտարարել է, որ Թուրքիան պատրաստ է աջակցել Ուկրաինայի և Ռուսաստանի միջև դիվանագիտական գործընթացի վերսկսմանն ու բանակցությունների միջոցով պատերազմի դադարեցմանն ուղղված ջանքերին։