Անգլիայի գործող չեմպիոն Լոնդոնի «Արսենալը» սենսացիոն պարտությամբ դուրս է մնացել Անգլիական լիգայի գավաթի խաղարկությունից:
1/8 եզրափակիչում Միկել Արտետայի գլխավորած թիմը մրցել է Անգլիայի չորրորդ լիգան ներկայացնող «Ֆլիթվուդի» հետ ու պարտվել հետխաղային 11-մետրանոցներով:
Հանդիպման հաշիվը 21-րդ րոպեին բացել է «Ֆլիթվուդի» հարձակվող Աարոն Լուպալո-Բին: 50-րդ րոպեին հաշիվը հավասարեցրել է շվեդ հարձակվող Վիկտոր Դյոկերեշը: 85-րդ րոպեին խաղադաշտից հեռացվել է «Արսենալի» կիսապաշտպան Մաքս Դոումենը:
Հետխաղային հարվածաշարում «Ֆլիթվուդը» հաղթել է 5:3 հաշվով ու դուրս եկել քառորդ եզրափակիչ:
Անգլիական լիգայի գավաթի գործող հաղթողը «Մանչեսթեր Սիթին» է:
Դավիթ Եղիազարյան