Վազգեն Սաղաթելյանի և Նարեկ Սամսոնյանի հանդեպ կիրառվող վարչական հսկողությունը վերացվել է

Վազգեն Սաղաթելյանի և Նարեկ Սամսոնյանի հանդեպ կիրառվող վարչական հսկողությունը վերացվել է

Վազգեն Սաղաթելյանի և Նարեկ Սամսոնյանի հանդեպ կիրառվող վարչական հսկողությունը վերացվել է

Sputnik Արմենիա

Դատարանը բավարարել է փաստաբանների միջնորդությունը։ 27.10.2026, Sputnik Արմենիա

2026-10-27T14:58+0400

2026-10-27T14:58+0400

2026-10-27T15:07+0400

վազգեն սաղաթելյան

նարեկ սամսոնյան

վարչական հսկողություն

https://cdn.am.imgsputniknews.ru/img/07ea/01/09/97606531_0:59:1144:703_1920x0_80_0_0_921d4c6c0f7500d24033a33a227112b0.jpg.webp

ԵՐԵՎԱՆ, 27 հոկտեմբերի – Sputnik. «Իմնեմնիմի» հաղորդաշարի համահեղինակներ Վազգեն Սաղաթելյանի և Նարեկ Սամսոնյանի հանդեպ կիրառվող վարչական հսկողությունը վերացվել է։ Սաղաթելյանն այդ մասին հայտնել է ֆեյսբուքյան էջում։«Վաղը վերադառնում ենք «Իմնեմնիմի»,– գրել է նա։Փաստաբան Ռուբեն Մելիքյանն իր հերթին հայտնել է, որ դատարանն այսօրվա նիստի ժամանակ բավարարել է պաշտպանական կողմի միջնորդությունը։«Դատարանը որոշեց վերացնել Նարեկի և Վազգենի նկատմամբ կիրառված ազատ խոսքի սահմանափակումները։ Դրանք ընդհանուր առմամբ տևեցին շուրջ 1 տարի»,– գրել է նա ֆեյսբուքյան էջում։Հիշեցնենք` դիմակավորված ուժայինները 2025–ի նոյեմբերի 13-ի առավոտյան ներխուժեցին «Իմնեմնիմի» հաղորդաշարի հեղինակներ Նարեկ Սամսոնյանի և Վազգեն Սաղաթելյանի տներ և ձերբակալեցին նրանց։ Դրանից հետո «Անտիֆեյքի» գրասենյակում խուզարկություններ իրականացվեցին, առգրավվեց ամբողջ տեխնիկան։Նարեկ Սամսոնյանի և Վազգեն Սաղաթելյանի դեմ քրեական վարույթ է նախաձեռնվել ՀՀ ԱԺ նախագահ Ալեն Սիմոնյանի վիրավորանքին արձագանքելու համար։ Նրանք մեղադրվում են «Խուլիգանություն՝ հաղորդակցման միջոցների օգտագործմամբ» հոդվածի հատկանիշներով։ Ավելի ուշ Սամսոնյանն ու Սաղաթելյանը կալանավորվեցին։2026-ի փետրվարին Նարեկ Սամսոնյանի խափանման միջոց կալանքը փոխարինվեց տնային կալանքով, իսկ մարտին` վարչական հսկողությամբ։ Վազգեն Սաղաթելյանի նկատմամբ տնային կալանք սահմանվեց ապրիլին։