Իսպանիայի Բասկերի Երկիր ինքնավար համայնքի Բիլբաո քաղաքում փողոցային անկարգություններից հետո իրավապահ մարմինները ձերբակալել են առնվազն 19 մարդու։
Միջադեպերը տեղի են ունեցել այն բանից հետո, երբ մի քանի հազար մարդ հավաքվել է տեղի համալսարանի մոտ՝ բողոքելու հոկտեմբերի 26-ի երեկոյան նախատեսված միջոցառման դեմ, որին պետք է մասնակցեր ծայրահեղ աջ հայացքներ ունեցող ակտիվիստ Վիտո Կիլեսը։ Միջոցառումը չեղարկվել է դրա մեկնարկից մոտ կես ժամ առաջ։
Դրանից հետո մի քանի հարյուր ծայրահեղականներ տեղափոխվել են մոտակա պողոտա, որտեղ անկարգություններ են սկսվել։ Մասնակիցները քարեր են նետել ոստիկանների և ոստիկանական բաժանմունքի ուղղությամբ, հրկիզել աղբամաններն ու տրանսպորտային միջոցները, վնասել հանրային գույք։ Ձերբակալվածների թվում կա յոթ անչափահաս։