Եմենի զինված ուժերի կողմից սաուդյան օդանավակայաններին հասցվող հարվածներն իրականացվում են Սաուդյան Արաբիայի նկատմամբ օդային շրջափակում սահմանելու շրջանակներում. այս մասին «Ալ Ահադ» հեռուստաալիքին տված հարցազրույցում հայտարարել է եմենյան «Անսար Ալլահ» («Հութիներ») շարժման քաղբյուրոյի անդամ Հազամ ալ-Ասադը։
«Սաուդյան օդանավակայաններին հասցվող նպատակային հարվածներն իրականացվում են երկրի նկատմամբ օդային շրջափակում կիրառելու համար։ Կենսական նշանակություն ունեցող ենթակառուցվածքների վրա հարձակումները մենք չենք նախաձեռնել. այդ քայլին դիմել է սաուդյան կողմը», — հայտարարել է շարժման ներկայացուցիչը։
Նա ընդգծել է, որ «Անսար Ալլահ»-ի գործողությունները տեղավորվում են «սահմանափակ էսկալացիայի» շրջանակներում ի պատասխան Էր Ռիադի գործողությունների։