Փարիզի մերձակայքում տղամարդը ավտոմեքենայից կրակ է բացել քաղաքացիների ուղղությամբ։ Ֆրանսիայի ոստիկանության փոխանցմամբ՝ պատահարի հետևանքով մեկ մարդ զոհվել է, ևս չորսը ստացել են տարբեր աստիճանի մարմնական վնասվածքներ։ Տուժածներից մեկի վիճակը գնահատվում է ծանր։ Կրակողը ձերբակալվել է։
Իրավապահ մարմինների տվյալներով՝ հրաձգությունը տեղի է ունեցել հոկտեմբերի 21-ի առավոտյան Փարիզից դեպի արևմուտք գտնվող Իվելին դեպարտամենտում։ Սկզբում կրակոցներ են հնչել Տրապ համայնքում, որից հետո կասկածյալն ուղղվել է դեպի հարևան Լա-Վերյեր բնակավայր։
Հրաձգության շարժառիթներն առայժմ անհայտ են։ Գործի քննությունը փոխանցվել է Ֆրանսիայի Ազգային հակաահաբեկչական դատախազությանը։