Հայաստանն ու Տանզանիան քննարկել են երկկողմ համագործակցության զարգացման հնարավորությունները
Բաժանորդագրվեք Zarkerak.am-ի տելեգրամ ալիքին։
Կենսաբազմազանության հարցերով առաջնորդների գագաթնաժողովի շրջանակներում ՀՀ ԱԳՄԱ նախարարի տեղակալ Անի Ավետիսյանը հանդիպում է ունեցել Տանզանիայի Միացյալ Հանրապետության արտաքին գործերի և Արևելաաֆրիկյան համագործակցության նախարարի տեղակալ Ջեյմս Կինյասի Միլիայի հետ:
ԱԳՄԱ նախարարությունից հայտնում են՝ Անի Ավետիսյանը և Ջեյմս Կինյասի Միլիան անդրադարձել են Հայաստան-Տանզանիա երկկողմ օրակարգի ձևավորման կարևորությանը։ Քննարկվել են առևտրատնտեսական, զբոսաշրջության, տեղեկատվական և հեռահաղորդակցման տեխնոլոգիաների, կրթության և մի շարք այլ ոլորտներում համագործակցության հաստատման հնարավորությունները։ Երկուստեք կարևորվել է արտաքին գերատեսչությունների միջև քաղաքական խորհրդակցությունների մեխանիզմի ներդրման հարցը:
Զրուցակիցներն անդրադարձել են նաև բազմակողմ հարթակներում փոխգործակցության առավել սերտացմանը և մտքեր են փոխանակել տարածաշրջանային և միջազգային արդի հիմնախնդիրների շուրջ: