ԱՄՆ-ի ռազմական հարվածները թմրանյութերի ապօրինի շրջանառության մեջ կասկածվող նավերի դեմ չեն կարողացել կանգնեցնել կոկաինի արտադրության ռեկորդային աճը, քանի որ թմրանյութերի ապօրինի շրջանառության մեջ կասկածվող նավերը գտնում են ճանապարհներ՝ խուսափելու ամերիկյան կանխարգելիչ ջանքերից․ այս մասին գրել է «The Wall Street Journal»-ը՝ հղում անելով կառավարության պաշտոնյաների և իրավապահ մարմինների աշխատակիցների:
«Կոկաինի ռեկորդային խմբաքանակներ՝ ավելի էժան և մաքուր, քան վերջին տասնամյակների ցանկացած ժամանակ, շարունակում են ամեն օր հասնել ԱՄՆ, Եվրոպա և նույնիսկ Ավստրալիա»,- ասել են չորս մայրցամաքների իրավապահ մարմինների աշխատակիցներ։
Հետազոտողները և ԱՄՆ պաշտոնյաները նշել են, որ թմրանյութերով լի մեծ թվով նավակներ շարունակում են մեկնել Կոլումբիայից, որը աշխարհի կոկաինի 70 տոկոսի աղբյուրն է:
«Նավակները շարունակում են շարժվել: Խաղաղ օվկիանոսը անծայրածիր է», – նշել է Բոգոտայի Ռոսարիո համալսարանում թմրանյութերի առևտուրն ուսումնասիրող նախկին ոստիկանական քննիչ Էրվին Նորզան։
Ըստ «Միջազգային կազմակերպված հանցավորության դեմ գլոբալ նախաձեռնություն» ՀԿ-ի հետազոտող Ֆելիպե Բոտերոյի՝ ԱՄՆ-ի քաղաքականությունն ավելի շատ ուղղված է վճռական գործողություններ ցուցադրելուն, քան ապօրինի առևտրի արդյունավետ զսպմանը: