Հոկտեմբերի 17-ին և 18-ին Երևանում կանցկացվի «Երևան Մարաթոն» վազքի միջազգային մրցույթը, որի կազմակերպման և անցկացման շրջանակում մայրաքաղաքի մի շարք փողոցներում ժամանակավորապես կսահմանափակվի տրանսպորտային միջոցների երթևեկությունը։
Հոկտեմբերի 17-ին․
Ժամը 07։00-ից մինչև 13։00-ն երթևեկությունը կսահմանափակվի Հրազդանի կիրճի 5 կիլոմետրանոց հատվածում՝ «Ֆլորենս» ռեստորանային համալիրին հարող տարածքից սկսած։
Ժամը 06։00-ից մինչև հոկտեմբերի 18-ի 21։00-ն տրանսպորտային միջոցների երթևեկությունը կսահմանափակվի Զաքյան փողոցի՝ Խորենացի և Գրիգոր Լուսավորիչ փողոցների միջև ընկած հատվածում։
Հոկտեմբերի 18-ին․
Ժամը 06։00-ից մինչև 08։40-ը երթևեկության սահմանափակումներ կգործեն հետևյալ հատվածներում՝
Խորենացի փողոցում՝ Զաքյան փողոցից մինչև Իտալիայի փողոց,
Բեյրութի, Իտալիայի և Վազգեն Սարգսյան փողոցներում՝ ամբողջ երկարությամբ,
Տիգրան Մեծի պողոտայում՝ Հանրապետության հրապարակի շրջանաձև երթևեկությունից մինչև Մելիք-Ադամյան փողոց,
Հանրապետության հրապարակի ամբողջ շրջանաձև երթևեկության հատվածում։
Ժամը 06։00-ից մինչև 09։15-ը սահմանափակումները կտարածվեն՝
Թումանյան փողոցի՝ Նալբանդյան փողոցից մինչև Աղասի Խանջյան փողոց ընկած հատվածի վրա,
Սայաթ-Նովայի պողոտայի՝ Նալբանդյան փողոցից մինչև Աղասի Խանջյան փողոց հատվածի վրա,
Հանրապետության փողոցի՝ Աղասի Խանջյան փողոցից մինչև Վարդանանց փողոց ընկած ճանապարհահատվածի վրա։
Ժամը 06։00-ից մինչև 09։45-ը երթևեկությունը կսահմանափակվի՝
Նալբանդյան փողոցում՝ Հանրապետության հրապարակի շրջանաձև երթևեկությունից մինչև Կորյունի փողոց և Սայաթ-Նովայի պողոտա,
Վարդանանց փողոցում՝ Հանրապետության փողոցից մինչև Ալեք Մանուկյան փողոց,
Ալեք Մանուկյան և Իսահակյան փողոցներում՝ ամբողջությամբ։
Ժամը 06։00-ից մինչև 10։00-ն սահմանափակումներ են նախատեսված՝
Թամանյան փողոցի ամբողջ երկայնքով,
Մոսկովյան փողոցում՝ Մաշտոցի պողոտայից մինչև Սարյան փողոց։
Ժամը 06։00-ից մինչև 10։10-ը կսահմանափակվի Սարյան փողոցի՝ Մոսկովյան փողոցից մինչև Լեոյի փողոց հատվածի երթևեկությունը։
Ժամը 06։00-ից մինչև 10։20-ը սահմանափակումները կգործեն Լեոյի փողոցի ամբողջ երկարությամբ, ինչպես նաև Պարոնյան փողոցի՝ Մաշտոցի պողոտայից մինչև Հնդկաստանի փողոց ընկած հատվածում։
Ժամը 06։00-ից մինչև 10։30-ը երթևեկության համար ժամանակավորապես կսահմանափակվեն Հնդկաստանի և Ձորափի փողոցներն ամբողջությամբ։
Ժամը 06։00-ից մինչև 14։00-ն սահմանափակումները կպահպանվեն Սուրբ Գրիգոր Լուսավորչի փողոցի՝ Մաշտոցի պողոտայից մինչև Իտալիայի փողոց հատվածում։
Ժամը 06։00-ից մինչև 14։30-ը երթևեկությունը կսահմանափակվի Հրազդանի կիրճի և Նիկիտա Սիմոնյան փողոցների ամբողջ երկարությամբ։
Բացի այդ, ժամը 07։00-ից մինչև 14։30-ը սահմանափակումներ կգործեն նաև հետևյալ հատվածներում՝
Հաղթանակի կամրջի վրա՝ մասնակի,
Արգիշտիի փողոցում՝ ամբողջությամբ,
Մաշտոցի պողոտայում՝ Հաղթանակի կամրջից մինչև Սուրբ Գրիգոր Լուսավորչի փողոց։
ՆԳՆ ոստիկանությունը հորդորում է վարորդներին նախապես պլանավորել երթուղիները, հնարավորության դեպքում օգտվել այլընտրանքային ճանապարհներից, պահպանել ոստիկանության ծառայողների օրինական պահանջները։