Երևանի ավագանու նիստում փոխքաղաքապետ Սուրեն Գրիգորյանը ներկայացրել է նախագիծ, որով առաջարկվում է անվճար երթևեկության արտոնություն սահմանել հաշմանդամություն ունեցող երեխաներին ուղեկցող անձանց համար:
Ինչու է դա կարևոր. Հաշմանդամություն ունեցող երեխաները հանրային տրանսպորտից օգտվելիս հաճախ ունենում են լրացուցիչ աջակցության կարիք: Նոր կարգավորումը թեթևացնում է ընտանիքների ֆինանսական բեռը և ապահովում տրանսպորտային հասանելիությունը:
-
Ոչ անձնավորված արտոնություն. Ըստ Սուրեն Գրիգորյանի՝ արտոնությունը կցվելու է ոչ թե կոնկրետ մեկ անձի, այլ տվյալ պահին երեխային ուղեկցող ցանկացած անձի: