https://arm.sputniknews.ru/20261013/ara-hambal-aj-lakvot-shiranarneri-pvoghvocum-krkin-iravitshaky-larvec-108043564.html
«Արա, համբալ», «այ, լակոտ». Շիրանարների փողոցում կրկին իրավիճակը լարվեց
«Արա, համբալ», «այ, լակոտ». Շիրանարների փողոցում կրկին իրավիճակը լարվեց
Sputnik Արմենիա
Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է: 13.10.2026, Sputnik Արմենիա
2026-10-13T11:30+0400
2026-10-13T11:30+0400
2026-10-13T11:30+0400
տեսանյութեր
https://cdn.am.imgsputniknews.ru/img/07ea/0a/0d/108041096_0:0:1281:720_1920x0_80_0_0_9e74ba177161176f87e9ec5176f55e7d.jpg.webp
ԵՐԵՎԱՆ, 13 հոկտեմբերի — Sputnik. Երևանի Աջափնյակ վարչական շրջանի Շինարարների փողոցում կրպակների ապամոնտաժման ընթացքում վիճակը մի քանի անգամ լարվեց, նաև միմյանց հասցեին վիրավորանքներ հնչեցին: Հիմնականում վիճաբանություն էր սկսվում կրպակատերերին ու վարձակալներին աջակցելու համար եկած «Հայաստան» խմբակցության պատգամավոր Մեսրոպ Մանուկյանի և աշխատանքներին հետևող Աջափնյակ վարչական շրջանի ղեկավար Սերոբ Սարգսյանի միջև: Նշենք, որ արդեն մի քանի օր է տվյալ տարածքում կրպակատերերն ու վարձակալները պայքարում են, որպեսզի իրենց խանութները չքանդեն: Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է: Երկու խանութի սեփականատեր արդեն դիմել են դատարան, որտեղ որոշում է կայացվել, որ հենց այդ տարածքների քանդումն ապօրինի է: Աջափնյակի թաղապետն ընդդիմադիր պատգամավորին մեղադրեց այն բանում, թե նա եկել է, որովհետև իր աներորդու բենզալցակայանն են քանդում: Մանուկյանը վստահեցրեց՝ ինքը այսօր պայքարող տնտեսվարողների կողքին կանգնելու համար է այնտեղ: Նա նաև ի պատասխան բղավեց՝ աներոջ բենզալցակայանն օրինական է, սեփականության վկայական ունեն և թաղապետի արածն էժան մանիպուլյացիա է։ Նրանք սկսեցին իրար վիրավորել։ Մանուկյանը իրավիճակի հանդարտվելուց հետո ցույց տվեց բենզալցակայանի սեփականության վկայականը, բայց Սարգսյանը վստահեցրեց՝ դա էլ է քանդվելու:Լեզվակռիվ եղավ նաև թաղապետի և կրպակատերերից մեկի՝ Դավիթ Նահապետյանի միջև: «Քո տարածքի 6 մետրը չափագրման արդյունքում ապօրինի է ճանաչվել: Մնացածը չենք քանդում, բայց 6 մետրը քանդելու ենք»,- ասաց Սարգսյանը:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.imgsputniknews.ru/img/07ea/0a/0d/108041096_144:0:1104:720_1920x0_80_0_0_c8e7f8e0d6cedb9c0f55f8108bed0fd3.jpg.webp
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, видео
Բաժանորդագրվել
Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է:
ԵՐԵՎԱՆ, 13 հոկտեմբերի — Sputnik. Երևանի Աջափնյակ վարչական շրջանի Շինարարների փողոցում կրպակների ապամոնտաժման ընթացքում վիճակը մի քանի անգամ լարվեց, նաև միմյանց հասցեին վիրավորանքներ հնչեցին: Հիմնականում վիճաբանություն էր սկսվում կրպակատերերին ու վարձակալներին աջակցելու համար եկած «Հայաստան» խմբակցության պատգամավոր Մեսրոպ Մանուկյանի և աշխատանքներին հետևող Աջափնյակ վարչական շրջանի ղեկավար Սերոբ Սարգսյանի միջև:
Նշենք, որ արդեն մի քանի օր է տվյալ տարածքում կրպակատերերն ու վարձակալները պայքարում են, որպեսզի իրենց խանութները չքանդեն: Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է: Երկու խանութի սեփականատեր արդեն դիմել են դատարան, որտեղ որոշում է կայացվել, որ հենց այդ տարածքների քանդումն ապօրինի է:
Աջափնյակի թաղապետն ընդդիմադիր պատգամավորին մեղադրեց այն բանում, թե նա եկել է, որովհետև իր աներորդու բենզալցակայանն են քանդում: Մանուկյանը վստահեցրեց՝ ինքը այսօր պայքարող տնտեսվարողների կողքին կանգնելու համար է այնտեղ: Նա նաև ի պատասխան բղավեց՝ աներոջ բենզալցակայանն օրինական է, սեփականության վկայական ունեն և թաղապետի արածն էժան մանիպուլյացիա է։ Նրանք սկսեցին իրար վիրավորել։ Մանուկյանը իրավիճակի հանդարտվելուց հետո ցույց տվեց բենզալցակայանի սեփականության վկայականը, բայց Սարգսյանը վստահեցրեց՝ դա էլ է քանդվելու:
Լեզվակռիվ եղավ նաև թաղապետի և կրպակատերերից մեկի՝ Դավիթ Նահապետյանի միջև:
«Քո տարածքի 6 մետրը չափագրման արդյունքում ապօրինի է ճանաչվել: Մնացածը չենք քանդում, բայց 6 մետրը քանդելու ենք»,- ասաց Սարգսյանը:
