Ուրիշ կուսակցություններում առուծախեր ու «մորթոցիներ են» տեղի ունենում. Ալեքսանյանը՝ ներթիմային ընտրական ցուցակի մասին
Բաժանորդագրվեք Zarkerak.am-ի տելեգրամ ալիքին։
«Տեղի ունեցող պրոցեսը մեր կուսակցության համամասնական ցուցակի հաստատման երկփուլ ընտրությունների առաջին փուլի քվեարկությունն է: Ի տարբերություն որոշ օլիգարխիկ ու կլանային կուսակցությունների, մենք մեր ցուցակն այսպես ենք կազմում, մեր պատվիրակները գալիս են գաղտնի քվերակությամբ քվեարկում են ու որոշվում են համարները: Ուրիշ կուսակցություններում գիտեք այդ պրոցեսն ինչպես է տեղի ունենում, ինչ առուծախեր ու «մորթոցիներ» են տեղի ունենում»,- ասուլիսում այս մասին ասաց ՔՊ վարչության փոխնախագահ, ԱԺ պատգամավոր Վահագն Ալեքսանյանը:
Նա բացատրեց, որ 1000 պատվիրակներից յուրաքանչյուրը պետք է ընտրի 50 հոգու, այնուհետև ընտրված առաջին 50 համարների միջև ևս ընտրություն տեղի կունենա դասավորության առումով, երկրորդ 50-ը կմնա նույնը, բայց վարչությունը կարող է քվոտայով որոաշկի փոփոխություններ անել՝ ոչ մեծ մասշտաբով:
«Մեր ընտրություններում ժողովրդավարության կամ կեղծիքների հետ կապված որևիցե միջադեպ չի եղել, կարող են լինել սխալմունքներ»,- ասաց նա ու ընդգծեց, որ որ օրինակ վարչության նախորդ ընտրություններն անբասիր են եղել: