https://arm.sputniknews.ru/20261010/na-amen-inch-tvoghec-indz-hamar-mahacel-e-narek-hakhnazarjani-majry-107932397.html
Նա ամեն ինչ թողեց ինձ համար․ մահացել է Նարեկ Հախնազարյանի մայրը
Նա ամեն ինչ թողեց ինձ համար․ մահացել է Նարեկ Հախնազարյանի մայրը
Sputnik Արմենիա
Գայանե Հախնազարյանը տաղանդավոր դաշնակահարուհի էր, նա աշխարհահռչակ կոմպոզիտորների դասական բազմաթիվ ստեղծագործություններ ձևափոխել էր երկու դաշնամուրով (դուետով)… 10.10.2026, Sputnik Արմենիա
2026-10-10T13:06+0400
2026-10-10T13:06+0400
2026-10-10T13:06+0400
հայաստան
նարեկ հախնազարյան
մայր
մահ
https://cdn.am.imgsputniknews.ru/img/721/93/7219351_0:165:1600:1065_1920x0_80_0_0_a7f56c26af976380b9d08a294d3faa36.jpg.webp
ԵՐԵՎԱՆ, 10 հոկտեմբերի – Sputnik․ Կյանքից հեռացել է աշխարհահռչակ թավջութակահար Նարեկ Հախնազարյանի մայրը՝ դաշնակահարուհի Գայանե Հախնազարյանը։Նա մահացել է հոկտեմբերի 9-ին` երկարատև հիվանդությունից հետո։Հախնազարյանների ընտանիքում բոլորն են երաժիշտ, ամենահայտնին, իհարկե, թավջութակահար Նարեկ Հախնազարյանն է, նրա եղբայրը՝ Տիգրան Հախնազարյանը, հայտնի դիրիժոր է, նրանց հայրը՝ Սուրեն Հախնազարյանը՝ ջութակահար։Իսկ ընտանիքի մայրը՝ Գայանե Հախնազարյանը, ևս ճանաչված դաշնակահարուհի է, մանկավարժ և Երևանի պետական կոնսերվատորիայի պրոֆեսոր։ Նա բազմիցս տարբեր համերգների ժամանակ նվագակցել է որդուն։Գայանե Հախնազարյանն աչքի է ընկել երաժշտական յուրահատուկ մոտեցմամբ: Նա աշխարհահռչակ կոմպոզիտորների դասական բազմաթիվ ստեղծագործություններ ձևափոխել է երկու դաշնամուրով (դուետով) կատարելու համար։ Դրանք հրատարակվել են հատուկ երաժշտական ձեռնարկներում և այսօր էլ օգտագործվում են թե՛ փորձառու երաժիշտների, թե՛ երաժշտական հաստատությունների սաների կողմից։Գայանե Հախնազարյանը երաժշտական Հախնազարյան ընտանիքի հենասյուներից էր։Նարեկ Հախնազարյանը 11 տարեկան է եղել, երբ մայրը թողել է իր երաժշտական կարիերան և տեղափոխվել Մոսկվա, որպեսզի որդին երաժշտական կրթությունը շարունակի այնտեղ։Գայանե Հախնազարյանի հոգեհանգստի արարողությունը տեղի կունենա հոկտեմբերի 11-ին՝ 17:00-20:00, Նոր Նորքի 5- րդ զանգվածում գտնվող Սուրբ Սարգիս եկեղեցում, իսկ հուղարկավորությունը՝ հոկտեմբերի 12-ին՝ ժամը 13:00-ին նույն վայրից:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.imgsputniknews.ru/img/721/93/7219351_114:0:1534:1065_1920x0_80_0_0_30c639b57f96c09918c3cd945300fa5d.jpg.webp
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նարեկ հախնազարյան, մայր, մահ
հայաստան, նարեկ հախնազարյան, մայր, մահ
Բաժանորդագրվել
Գայանե Հախնազարյանը տաղանդավոր դաշնակահարուհի էր, նա աշխարհահռչակ կոմպոզիտորների դասական բազմաթիվ ստեղծագործություններ ձևափոխել էր երկու դաշնամուրով (դուետով) կատարելու համար։
ԵՐԵՎԱՆ, 10 հոկտեմբերի – Sputnik․ Կյանքից հեռացել է աշխարհահռչակ թավջութակահար Նարեկ Հախնազարյանի մայրը՝ դաշնակահարուհի Գայանե Հախնազարյանը։
Նա մահացել է հոկտեմբերի 9-ին` երկարատև հիվանդությունից հետո։
Հախնազարյանների ընտանիքում բոլորն են երաժիշտ, ամենահայտնին, իհարկե, թավջութակահար Նարեկ Հախնազարյանն է, նրա եղբայրը՝ Տիգրան Հախնազարյանը, հայտնի դիրիժոր է, նրանց հայրը՝ Սուրեն Հախնազարյանը՝ ջութակահար։
Իսկ ընտանիքի մայրը՝ Գայանե Հախնազարյանը, ևս ճանաչված դաշնակահարուհի է, մանկավարժ և Երևանի պետական կոնսերվատորիայի պրոֆեսոր։ Նա բազմիցս տարբեր համերգների ժամանակ նվագակցել է որդուն։
Գայանե Հախնազարյանն աչքի է ընկել երաժշտական յուրահատուկ մոտեցմամբ: Նա աշխարհահռչակ կոմպոզիտորների դասական բազմաթիվ ստեղծագործություններ ձևափոխել է երկու դաշնամուրով (դուետով) կատարելու համար։ Դրանք հրատարակվել են հատուկ երաժշտական ձեռնարկներում և այսօր էլ օգտագործվում են թե՛ փորձառու երաժիշտների, թե՛ երաժշտական հաստատությունների սաների կողմից։
Գայանե Հախնազարյանը երաժշտական Հախնազարյան ընտանիքի հենասյուներից էր։
«Նա ամեն ինչ թողեց ինձ համար»,– իր հարցազրույցներից մեկում ասել է աշխարհահռչակ թավջութակահարը մոր մասին։
Նարեկ Հախնազարյանը 11 տարեկան է եղել, երբ մայրը թողել է իր երաժշտական կարիերան և տեղափոխվել Մոսկվա, որպեսզի որդին երաժշտական կրթությունը շարունակի այնտեղ։
Գայանե Հախնազարյանի հոգեհանգստի արարողությունը տեղի կունենա հոկտեմբերի 11-ին՝ 17:00-20:00, Նոր Նորքի 5- րդ զանգվածում գտնվող Սուրբ Սարգիս եկեղեցում, իսկ հուղարկավորությունը՝ հոկտեմբերի 12-ին՝ ժամը 13:00-ին նույն վայրից:
