https://arm.sputniknews.ru/20261008/2023t-arcakhum-zvohvatsneri-harazatnery-sharunakum-en-artashirimum-pahanjel-107853881.html
2023 թ․ Արցախում զոհվածների հարազատները շարունակում են արտաշիրիմում պահանջել
2023 թ․ Արցախում զոհվածների հարազատները շարունակում են արտաշիրիմում պահանջել
Sputnik Արմենիա
Հարազատները պահանջում են ընդդիմադիր պատգամավորներից տարբեր մակարդակներում, այդ թվում՝ միջազգային, բարձրաձայնել այս հարցի մասին։ 08.10.2026, Sputnik Արմենիա
2026-10-08T13:45+0400
2026-10-08T13:45+0400
2026-10-08T13:50+0400
արցախ
զոհ
աճյուն
https://cdn.am.imgsputniknews.ru/img/07ea/0a/08/107853708_0:0:1255:706_1920x0_80_0_0_053295a57c72d080cc16ab7ca4bf7710.jpg.webp
ԵՐԵՎԱՆ, 8 հոկտեմբերի – Sputnik․ 2023թ․ սեպտեմբերին Արցախի վրա ադրբեջանական վերջին հարձակման և վառելիքի պահեստի պայթյունից զոհվածների հարազատները պահանջում են արտաշիրիմում։ ԱԺ-ում այսօր «Ուժեղ Հայաստան» խմբակցության անդամները հանդիպել էին անհետ կորածների, պայթյունից զոհվածների հարազատների հետ։Նրա խոսքով՝ բազմիցս նամակներ են ուղարկել թե տեղական, թե միջազգային տարբեր կառույցներ, դիվանագիտական բոլոր ներկայացուցչություններ։ Ամիսներ առաջ կրկին նամակ են ուղարկել ՀՀ վարչապետ Նիկոլ Փաշինյանին, որն էլ իր հերթին նամակը վերաուղղորդել է Ազգային անվտանգության ծառայության Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողով։ Այստեղից որոշ ժամանակ անց պատասխան է եկել, որ իրենք չեն զբաղվում արտաշիրիմման հարցերով։Հարազատների խոսքով՝ 2023-2024 թթ․ աշխատանքներ են տարվել, բազմաթիվ մարդիկ պատրաստակամություն են հայտնել՝ մեկնելու Արցախ արտաշիրիմում կատարելու համար, այդ թվում՝ Արցախի ԱԻՆ աշխատակիցները։ Ծնողների, հարազատների հետ ճշգրտվել էին բոլոր կոորդիանտները։ Նշում են, որ 2023թ․-ի վերջին 2024թ․ սկզբին, թվում է, թե հասել են մի կետի, հստակ ցուցակներ էին կազմել, անգամ մեկնման օր էր որոշվել, սակայն ինչ-ինչ պատճառներով չեղարկվեց, և հարցն այլևս տեղից չի շարժվում։ Արտաշիրիմման հարցն այս պահին վերաբերում է 51 անձի, որոնց կեսը հուղարկավորված են Ստեփանակերտի եղբայրական գերեզմանում, կեսը՝ տարբեր շրջաններում։Հարազատները պահանջում են ընդդիմադիր պատգամավորներից տարբեր մակարդակներում, այդ թվում՝ միջազգային, բարձրաձայնել այս հարցի մասին։Հիշեցնենք, որ 2023 թվականի Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում ավելի քան 240 զոհ տվեց։ Հաջորդած օրերին Արցախի հայ բնակչությունը բռնի տեղահանվեց Հայաստան։2023թ–ի սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում` բենզինի պահեստում, տեղի ունեցավ ուժեղ պայթյուն, որի հետևանքով բազմաթիվ մարդիկ մահացան։ Հաստատված մահերի թիվը 68 է: Վիրավորում ստացած քաղաքացիների թիվը 290 է, որոնցից 168-ը տեղափոխվել են ՀՀ բժշկական հաստատություններ։ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։
2026
Լուրեր
am_HY
2023թ․ Արցախում զոհվածների հարազատները շարունակում են արտաշիրիմում պահանջել
Sputnik Արմենիա
2023թ․ Արցախում զոհվածների հարազատները շարունակում են արտաշիրիմում պահանջել
2026-10-08T13:45+0400
true
PT2M41S
https://cdn.am.imgsputniknews.ru/img/07ea/0a/08/107853708_57:0:998:706_1920x0_80_0_0_fe158e282f1cf8f3ef29206439814ba6.jpg.webp
արցախ, զոհ, աճյուն, видео
արցախ, զոհ, աճյուն, видео
Հարազատները պահանջում են ընդդիմադիր պատգամավորներից տարբեր մակարդակներում, այդ թվում՝ միջազգային, բարձրաձայնել այս հարցի մասին։
ԵՐԵՎԱՆ, 8 հոկտեմբերի – Sputnik․ 2023թ․ սեպտեմբերին Արցախի վրա ադրբեջանական վերջին հարձակման և վառելիքի պահեստի պայթյունից զոհվածների հարազատները պահանջում են արտաշիրիմում։ ԱԺ-ում այսօր «Ուժեղ Հայաստան» խմբակցության անդամները հանդիպել էին անհետ կորածների, պայթյունից զոհվածների հարազատների հետ։
«Մենք մեր հարազատներին քրիստոնյային վայել չեն հուղարկավորել, թեթև հողակույտով թուրքից թաքցրել ենք։ Անձամբ մեզ ասել են, որ պետությունը պարտավորվում է, վերջին զոհերին կտեղափոխեն, որովհետև իրենք չունեն բարեկարգված գերեզմաններ։ Մեզ ասել են՝ դուք ոչ մի բան մի արեք, հնարավոր է՝ Հակարիի անցակետով չթողնեն տեղափոխել, ձեր աչքի առաջ ձեր հարազատի մարմինը խոշտանգեն և այլն»,- ասաց հանդիպմանը մասնակցող արցախցի կանանցից մեկը։
Նրա խոսքով՝ բազմիցս նամակներ են ուղարկել թե տեղական, թե միջազգային տարբեր կառույցներ, դիվանագիտական բոլոր ներկայացուցչություններ։ Ամիսներ առաջ կրկին նամակ են ուղարկել ՀՀ վարչապետ Նիկոլ Փաշինյանին, որն էլ իր հերթին նամակը վերաուղղորդել է Ազգային անվտանգության ծառայության Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողով։ Այստեղից որոշ ժամանակ անց պատասխան է եկել, որ իրենք չեն զբաղվում արտաշիրիմման հարցերով։
«Արտաշիրիմում պահանջում են այն ծնողները, որոնք արցախյան ցեղասպանությունից ժամեր առաջ իրենց որդիներին, ամուսիններին, հարազատներին քրիստոնյային վայել չեն կարողացել հուղարկավորել, առանց շիրմաքարի, անգամ առանց դագաղի՝ ադյալներով հողն են դրել և եկել են այստեղ՝ մտածելով, որ իրենց շիրիմները կբերվեն այստեղ»,- հայտարարեց անհետ կորածների, պայթյունից զոհվածների հարազատների և արտաշիրիմում պահանջողների հարցերով զբաղվող Ռուզաննա Ստեփանյանը։
Հարազատների խոսքով՝ 2023-2024 թթ․ աշխատանքներ են տարվել, բազմաթիվ մարդիկ պատրաստակամություն են հայտնել՝ մեկնելու Արցախ արտաշիրիմում կատարելու համար, այդ թվում՝ Արցախի ԱԻՆ աշխատակիցները։ Ծնողների, հարազատների հետ ճշգրտվել էին բոլոր կոորդիանտները։ Նշում են, որ 2023թ․-ի վերջին 2024թ․ սկզբին, թվում է, թե հասել են մի կետի, հստակ ցուցակներ էին կազմել, անգամ մեկնման օր էր որոշվել, սակայն ինչ-ինչ պատճառներով չեղարկվեց, և հարցն այլևս տեղից չի շարժվում։ Արտաշիրիմման հարցն այս պահին վերաբերում է 51 անձի, որոնց կեսը հուղարկավորված են Ստեփանակերտի եղբայրական գերեզմանում, կեսը՝ տարբեր շրջաններում։
Հարազատները պահանջում են ընդդիմադիր պատգամավորներից տարբեր մակարդակներում, այդ թվում՝ միջազգային, բարձրաձայնել այս հարցի մասին։