https://arm.sputniknews.ru/20261008/hajastany-ekh-i-het-serialneri-artadrutjan-nvor-kanvonneri-e-ancnum-kvonvencia-kstvoragrvi-107804799.html
Հայաստանը ԵԽ-ի հետ սերիալների արտադրության նոր կանոնների է անցնում. կոնվենցիա կստորագրվի
Հայաստանը ԵԽ-ի հետ սերիալների արտադրության նոր կանոնների է անցնում. կոնվենցիա կստորագրվի
Sputnik Արմենիա
ԿԳՄՍՆ-ի հիմնավորմամբ՝ կոնվենցիային միանալը հայաստանյան արտադրողներին հնարավորություն կտա ավելի ակտիվ մասնակցել միջազգային համատեղ նախագծերին։ 08.10.2026, Sputnik Արմենիա
2026-10-08T11:32+0400
2026-10-08T11:32+0400
2026-10-08T11:40+0400
սերիալ
ֆիլմ
հայաստան
եվրոպա
https://cdn.am.imgsputniknews.ru/img/2017/59/20175942_0:154:3072:1882_1920x0_80_0_0_03499a0a645ad851fbae2972df398f97.jpg.webp
ԵՐԵՎԱՆ, 8 հոկտեմբերի – Sputnik․ Հայաստանը պատրաստվում է ստորագրել Եվրոպայի խորհրդի՝ «Սերիալների տեսքով տեսալսողական ստեղծագործությունների համատեղ արտադրության մասին» կոնվենցիան։ ԿԳՄՍ նախարարությունն էլ համապատասխան փաստաթղթի ստորագրումը նպատակահարմար է համարել։Կոնվենցիան վերաբերում է հեռուստատեսային և առցանց հարթակների համար նախատեսված սերիալների միջազգային համատեղ արտադրությանը։ Այն սահմանում է մասնակից երկրների համագործակցության ընդհանուր սկզբունքները և նախատեսված է նման նախագծերի համար միասնական ու կանխատեսելի իրավական միջավայր ձևավորելու համար։ԿԳՄՍՆ-ի հիմնավորմամբ՝ կոնվենցիային միանալը հայաստանյան արտադրողներին հնարավորություն կտա ավելի ակտիվ մասնակցել միջազգային համատեղ նախագծերին և ընդլայնել հայկական սերիալների արտադրության ու միջազգային տարածման հնարավորությունները։Կոնվենցիան այս պահին ստորագրել է Եվրոպայի խորհրդի անդամ 11 պետություն՝ Ֆրանսիան, Վրաստանը, Հունաստանը, Իտալիան, Լյուքսեմբուրգը, Մալթան, Մոնտենեգրոն, Լեհաստանը, Պորտուգալիան, Մոլդովան և Միացյալ Թագավորությունը։Փաստաթուղթը դեռ ուժի մեջ չի մտել։ Դրա համար անհրաժեշտ է առնվազն երեք պետության վավերացում, որոնցից առնվազն երկուսը պետք է լինեն Եվրոպայի խորհրդի անդամ։Նշենք, որ Կոնվենցիային միանալուց հետո Հայաստանը պետք է միջազգային համատեղ արտադրության չափանիշներին համապատասխանող սերիալների համար ապահովի նույն ֆինանսական աջակցության հնարավորությունները, որոնք նախատեսված են ազգային արտադրությունների համար։
եվրոպա
2026
Լուրեր
am_HY
https://cdn.am.imgsputniknews.ru/img/2017/59/20175942_341:0:3072:2048_1920x0_80_0_0_b0e734db1a3960012789c6b3b00ec016.jpg.webp
սերիալ, ֆիլմ, հայաստան, եվրոպա
սերիալ, ֆիլմ, հայաստան, եվրոպա
ԿԳՄՍՆ-ի հիմնավորմամբ՝ կոնվենցիային միանալը հայաստանյան արտադրողներին հնարավորություն կտա ավելի ակտիվ մասնակցել միջազգային համատեղ նախագծերին։
ԵՐԵՎԱՆ, 8 հոկտեմբերի – Sputnik․ Հայաստանը պատրաստվում է ստորագրել Եվրոպայի խորհրդի՝ «Սերիալների տեսքով տեսալսողական ստեղծագործությունների համատեղ արտադրության մասին» կոնվենցիան։ ԿԳՄՍ նախարարությունն էլ համապատասխան փաստաթղթի ստորագրումը նպատակահարմար է համարել։
Կոնվենցիան վերաբերում է հեռուստատեսային և առցանց հարթակների համար նախատեսված սերիալների միջազգային համատեղ արտադրությանը։ Այն սահմանում է մասնակից երկրների համագործակցության ընդհանուր սկզբունքները և նախատեսված է նման նախագծերի համար միասնական ու կանխատեսելի իրավական միջավայր ձևավորելու համար։
ԿԳՄՍՆ-ի հիմնավորմամբ՝ կոնվենցիային միանալը հայաստանյան արտադրողներին հնարավորություն կտա ավելի ակտիվ մասնակցել միջազգային համատեղ նախագծերին և ընդլայնել հայկական սերիալների արտադրության ու միջազգային տարածման հնարավորությունները։
Ակնկալվում է նաև, որ համատեղ արտադրությունների միջոցով Հայաստան կներմուծվեն նոր տեխնոլոգիաներ և կառավարման մեխանիզմներ, կզարգանան ոլորտի մասնագետների կարողությունները և կմեծանա երիտասարդ մասնագետների ներգրավվածությունը։
Կոնվենցիան այս պահին ստորագրել է Եվրոպայի խորհրդի անդամ 11 պետություն՝ Ֆրանսիան, Վրաստանը, Հունաստանը, Իտալիան, Լյուքսեմբուրգը, Մալթան, Մոնտենեգրոն, Լեհաստանը, Պորտուգալիան, Մոլդովան և Միացյալ Թագավորությունը։
Փաստաթուղթը դեռ ուժի մեջ չի մտել։ Դրա համար անհրաժեշտ է առնվազն երեք պետության վավերացում, որոնցից առնվազն երկուսը պետք է լինեն Եվրոպայի խորհրդի անդամ։
Նշենք, որ Կոնվենցիային միանալուց հետո Հայաստանը պետք է միջազգային համատեղ արտադրության չափանիշներին համապատասխանող սերիալների համար ապահովի նույն ֆինանսական աջակցության հնարավորությունները, որոնք նախատեսված են ազգային արտադրությունների համար։