Ֆուտբոլի միջազգային ֆեդերացիան (ՖԻՖԱ) հոկտեմբերի 7-ին իր պաշտոնական կայքէջում ներկայացրել է ազգային հավաքականների դասակարգման հերթական թարմացումը։ Նոր վարկանիշը հրապարակվել է սեպտեմբերին կայացած միջազգային հանդիպումների համար նախատեսված դադարից հետո։
ՖԻՖԱ-ի վարկանիշային աղյուսակում Հայաստանի ազգային հավաքականը մեկ հորիզոնականով նահանջել է՝ 1183.26 միավորով հայտնվելով 108-րդ տեղում, հայտնում է Armsport.am-ը:
Դասակարգման առաջին հորիզոնականում իր դիրքն է պահպանել աշխարհի և Եվրոպայի գործող չեմպիոն Իսպանիայի ազգային հավաքականը։ Առաջատար եռյակում շարունակում են ընդգրկված մնալ նաև Արգենտինայի և Ֆրանսիայի հավաքականները, որոնք համապատասխանաբար զբաղեցնում են երկրորդ և երրորդ տեղերը։
Միաժամանակ լավագույն հնգյակի կազմն անփոփոխ չի մնացել։ Պորտուգալիայի ազգային ընտրանին կարողացել է բարելավել իր դիրքը՝ բարձրանալով հինգերորդ հորիզոնական։ Այդ առաջընթացի արդյունքում պորտուգալացիները շրջանցել են Բրազիլիայի հավաքականին, որը մեկ աստիճանով նահանջել է և այժմ գտնվում է վեցերորդ տեղում։
Հոկտեմբերի 7-ի դրությամբ ՖԻՖԱ-ի դասակարգման աղյուսակի առաջին տասնյակում ընդգրկված հավաքականներն ու նրանց վաստակած միավորները հետևյալն են.
Իսպանիա – 2011.57 միավոր
Արգենտինա – 1972.80 միավոր
Ֆրանսիա – 1958.86 միավոր
Անգլիա – 1925.59 միավոր
Պորտուգալիա – 1807.69 միավոր
Բրազիլիա – 1806.51 միավոր
Մարոկկո – 1805.34 միավոր
Բելգիա – 1779.17 միավոր
Նիդերլանդներ – 1778.61 միավոր
Մեքսիկա – 1738.48 միավոր