Բիտումի դեֆիցիտ և թանկացում. ինչո՞ւ են դանդաղել ճանապարհաշինական աշխատանքները

Բիտումի դեֆիցիտ և թանկացում. ինչո՞ւ են դանդաղել ճանապարհաշինական աշխատանքները

Բիտումի դեֆիցիտ և թանկացում. ինչո՞ւ են դանդաղել ճանապարհաշինական աշխատանքները

Sputnik Արմենիա

Շուկայում բիտումի գները կտրուկ աճել են. եթե նախկինում՝ Իրանի դեմ ամերիկա-իսրայելյան վեջրին հարձակումը, 1 տոննա բիտումն արժեր մոտ 450 դոլար, ապա հիմա գինը հասել… 07.10.2026, Sputnik Արմենիա

2026-10-07T22:59+0400

2026-10-07T22:59+0400

2026-10-07T22:59+0400

էդուարդ բեզոյան

ճանապարհ

ասֆալտ

բիտում

https://cdn.am.imgsputniknews.ru/img/07e8/0a/18/82271765_0:83:1600:983_1920x0_80_0_0_3cdaa450ead9b64978cd92223b64b44a.jpg.webp

ԵՐԵՎԱՆ, 7 հոկտեմբերի – Sputnik. ՀՀ իշխանությունների կողմից ակտիվ ասֆալտապատման ծրագրերը, կարծես թե, հայտնվել են փակուղում. մինչ մայրաքաղաքի և մարզերի փողոցներն ամիսներով մնում են քանդված վիճակում՝ կաթվածահար անելով երթևեկությունը, երկրում բիտումի սուր դեֆիցիտ է սկսվել։ Sputnik Արմենիայի հետ զրույցում «Ճանապարհ» ՍՊԸ գլխավոր տնօրեն Էդուարդ Բեզոյանը նշել է ճանապարհաշինության ոլորտում տիրող ճգնաժամի պատճառները։ Ավելի վաղ հայտնել էինք, որ ըստ մամուլի տեղեկությունների` hայ–ռուսական հարաբերություններն ազդել են նաև ասֆալտի վրա, քանի որ ՌԴ–ից բիտում չի ներկրվում։ ՀՀ ՏԿԵ նախարարությունից հերքել էին այս լուրը` նշելով, որ Հայաստանը ռուսական բիտումի ներկրման հետ կապված խնդիր չունի։ Բիտումը հիմնականում ներկրվում է Իրանից, որին բաժին է ընկնում մատակարարումների ավելի քան 90%-ը։Բեզոյանի խոսքով` բիտումի առումով Հայաստանը գրեթե ամբողջությամբ կախվածության մեջ է իրանական ներկրումներից, մինչդեռ ռուսական բարձրորակ բիտումի շուկան գրեթե անտեսվել է։Ներկրման ձգձգումները, ըստ նրա` Իրանում տիրող ներկայիս ճգնաժամային իրավիճակի և անցակետերում առաջացած խնդիրների հետ են կապված։ Արդյունքում՝ ճանապարհաշինական ընկերությունները ստիպված են, այսպես ասած, «չոր ռացիոնով» աշխատել։ Օրինակ՝ «Ճանապարհ» ՍՊԸ–ն, Բեզոյանի խոսքով` մեկուկես ամսում կարողացել է ձեռք բերել ընդամենը 4 մեքենա՝ մոտ 100 տոննա բիտում, որը բավարար է ընդամենը 1 կիլոմետր ճանապարհի հիմնանորոգման համար, այնինչ ընկերությունն ունի 30 կիլոմետրի պլանավորված աշխատանք։ Նշենք, որ Ռուսաստանի հետ ավանդական ու հուսալի տնտեսական շղթաների թուլացումը բերել է նրան, որ այսօր Հայաստանի մայրաքաղաքում կան քանդված ու անանցանելի փողոցներ։ Բացի այդ, շուկայում բիտումի գները կտրուկ աճել են. եթե նախկինում (մինչ իրանական ճգնաժամի սրացումը-խմբ.) 1 տոննա բիտումն արժեր մոտ 450 դոլար, ապա հիմա գինը հասել է շուրջ 600 դոլարի։ Դրան զուգահեռ թանկացել է նաև դիզելային վառելիքը՝ հասնելով 720 դրամի, ինչը լրացուցիչ հարված է ճանապարհաշինության բյուջեին։ Ի դեպ, խնդիրն էլ ավելի է խորանում նրանով, որ Հայաստանը ժամանակին ունեցել է սեփական բիտումի գործարանը Արարատի մարզում, որը ներկրվող հումքի վերամշակմամբ էր զբաղվում, սակայն այսօր այն չի գործում։Հիշեցնենք` մամուլն օրերս անդրադարձել էր Հայաստանում ցեմետի շուկայում առաջացած դեֆիցիտին` նշվելով, որ «Արարատցեմենտի» արտադրանքը վաճառվում է պարկը 3500 դրամով` նախկին 2700–ի փոխարեն, իսկ իրանականը` 4000–ով` նախկին 3500–ի փոխարեն։Սեպտեմբերի 14-ին «Արարատցեմենտը» հերքել էր թանկացման մասին լուրերը` վստահեցնելով, որ ցեմենտի գործարանային գինը մնացել է նույնը` 1 պարկի գինը 2550 դրամ է։Հավելենք` հուլիսի 6-ին իրավապահները խուզարկություններ էին անցկացրել «Մուլտի գրուպ» կոնցեռնի կազմում գտնվող ձեռնարկություններում, այդ թվում` «Արարատցեմոնտում»։ Իսկ կոնցեռնի սեփականատեր, «Բարգավաճ Հայաստան» կուսակցության առաջնորդ Գագիկ Ծառուկյանը ձերբակալվել էր` խարդախության և փողերի լվացման օժանդակության մեղադրանքով։Հուլիսի 16-ին «Արարատցեմենտը» հանձնվեց ՀՀ կառավարության կառավարմանը, հուլիսի 30–ին գործարանի պետական կառավարիչ նշանակվեց Դավիթ Գևորգյանը։Նշենք նաև, որ կառավարության հոկտեմբերի 1-ի նիստում ընդունած որոշմամբ վերացվել է 2022թ–ին ընդունված և պարբերաբար թարմացվող կարգավորումը, որով սահամանափակվում էր 3-րդ երկրներից ցեմենտի ներկրումը։