ԱՄՆ էներգետիկայի նախարարությունը կրկին զգալիորեն բարձրացրել է 2026 թվականի համար Brent տեսակի նավթի գնի կանխատեսումը՝ մեկ բարելի դիմաց 91.01 դոլարից մինչև 96.32 դոլար։ Այս մասին վկայում են գերատեսչության Էներգետիկ տեղեկատվության վարչության (EIA) ամսական կանխատեսման տվյալները։
«Չնայած Մերձավոր Արևելքից նավթի արդյունահանման և մատակարարումների ակնկալվող աճին՝ մենք նախորդ ամսվա համեմատ բարձրացրել ենք նավթի համաշխարհային գների կանխատեսումը։ Այժմ ակնկալում ենք, որ չորրորդ եռամսյակում Brent-ի սփոթ գինը միջինում կկազմի 105 դոլար՝ մեկ բարելի դիմաց, ինչը 14 դոլարով ավելի բարձր է, քան նախորդ ամսվա զեկույցում ներառված ցուցանիշը», – ասվում է զեկույցում։
Գերատեսչության գնահատմամբ՝ սեպտեմբերին Brent-ի միջին սփոթ գինը կազմել է 114 դոլար՝ մեկ բարելի դիմաց՝ օգոստոսի ցուցանիշից 23 դոլարով բարձր։
«Սաուդյան Արաբիայում «Արևելք-Արևմուտք» նավթամուղի վրա հարձակումները վկայում են ֆիզիկական մատակարարումների և նավթի գների տատանողականության պահպանման հավանականության մասին՝ համաշխարհային պաշարների շարունակվող կրճատման ֆոնին։ Գների վրա լրացուցիչ ճնշում է գործադրում դիզելային վառելիքի շուկայում ստեղծված ծայրահեղ լարված իրավիճակը, որը խթանում է նավթի նկատմամբ պահանջարկը վերամշակող գործարանների կողմից, որոնք ձգտում են բավարարել նավթամթերքի այս տեսակի պահանջարկը», – նշել են EIA-ում։
2027 թվականի համար Brent-ի արժեքի կանխատեսումը նույնպես կտրուկ բարձրացվել է՝ մեկ բարելի դիմաց 73.74 դոլարից մինչև 83.74 դոլար։